Аляксандр Лукашэнка 25 лістапада на нарадзе ў Гомелі патлумачыў, што, на яго думку, азначаюць свабода і незалежнасць для беларускага народа, паведамляе БелТА.
«Паверце, час вельмі сур'ёзны: або мы застаёмся дзяржавай, або нам трэба думаць пра іншыя варыянты — але гэта ўжо без мяне. Мы нездарма 30 гадоў песцілі і няньчылі сваю дзяржаву для таго, каб хаця б нашы дзеці жылі свабодна, незалежна. Калі хтосьці разумее гэтую свабоду і незалежнасць (гэта вас не тычыцца, а нашага народа), што «я што хачу, тое і кручу» — хачу працую, хачу не — ні ў адной дзяржаве гэтага няма і не будзе. Свабода і незалежнасць — гэта магчымасці», — сказаў Аляксандр Лукашэнка.
Ён адзначыў, што ў яго не было багатых сваякоў, ён рос у цяжкія гады, але атрымаў, як і іншыя, адукацыю.
«Што яшчэ трэба? Хочаце пад бізуном чыімсьці пахадзіць, пахадзіце. Але тады з вамі размаўляць вось у такім складзе ніхто не будзе. Возьмуць бізун, і будзеце бегчы наперадзе. Скапыціцеся, як у народзе кажуць, адстанеце — вы ведаеце, што будзе. З намі гэта было ўжо 80 гадоў таму назад: нам спрабавалі гэта прадэманстраваць. І па Беларусі прайшліся так, што мы дагэтуль чыхаем. Менавіта так востра сёння стаіць пытанне. І вы ў Гомельскай вобласці гэта адчулі: гэта тут побач з вамі. Дык гэта проста запашок панюхалі. Не хочацца, каб нашы дзеці ўзялі стрэльбу і пайшлі абараняць сваю краіну. Мне гэтага абсалютна не хочацца. Калі камусьці з вас хочацца, устаньце і скажыце — мы забяспечым. Таму лепш давайце мы з вамі сціснуўшы зубы будзем працаваць і выдаваць вынік», — гаварыў намёкамі Аляксандр Лукашэнка.
Каментары