У Мінскім ГУМе адкрылі кавярню са «стравамі і напоямі па гістарычных рэцэптах»
На сайце ГУМа паведамлялася, што наведвальнікаў новага кафетэрыя, які адкрыўся ў сераду, чакае абноўлены інтэр'ер і «стравы і напоі па гістарычных рэцэптах». Што пад гэтым мелася на ўвазе, даведаўся сайт Tochka.by.
Акцэнт у меню зроблены на фірмовых вафлях — сытных і дэсертных (цэны на іх ад 7,5 да 12 рублёў). Як «спецыяльная прапанова» праходзяць чатыры віды настоек — 3,5 рублёў кожная.
У суботу ва ўстанове абяцаюць правесці «прэзентацыю гістарычных страў» і зладзіць майстар-клас па падрыхтоўцы «шляхецкіх цукерак».
Каментары