У дэсктопнай версіі сацыяльнай сеткі «Укантакце» і на стрымінгавай платформе «Звук» з'явіліся новыя песні заходніх артыстаў, запісаныя ў кампаніях, якія ў сакавіку 2022 года абвясцілі аб спыненні працы на расійскім рынку, заўважыў РБК.
На сэрвісах даступныя новыя альбомы Тэйлар Свіфт «Midnights», Rammstein «Zeit» (абодва запісаныя Universal Music Group) і Red Hot Chili Peppers «Return Of The Dream Canteen», а таксама новая песня Paramore «This Is Why» (Warner Music Group).
Амаль ва ўсіх песень на платформе «Звук» стаіць пазнака, што яны загружаныя карыстальнікамі.
Тым не менш, апытаныя РБК юрысты перакананыя, што калі паміж пляцоўкамі і праваўладальнікамі не была ўкладзеная дамова, то размяшчэнне для праслухоўвання або запампоўкі кантэнту незаконнае. Аднак і спагнаць страты лэйблам у бягучых умовах будзе складана, у тым ліку праз заходнія санкцыі.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары