Каманды Расіі і Беларусі не змогуць узяць удзел у чэмпіянаце свету па бэндзі (хакеі з мячом) з-за бягучай сітуацыі, паведамляе Міжнародная федэрацыя бэндзі.
Спаборніцтвы пройдуць у канцы сакавіка 2023 года ў Швецыі.
Чэмпіёнамі свету ў гэтым відзе спорту з'яўляецца зборная Расіі. Гэты тытул яна заваявала ў 2019 годзе.
Чэмпіянаты свету па бэндзі праводзяцца з 1957 года. У 37 фіналах з 39 прымала ўдзел зборная СССР або Расіі. Зборная Расіі таксама з'яўляецца найбольш тытулаванай камандай — яна 26 разоў станавілася чэмпіёнам свету. 12 разоў перамагала зборная Швецыі і 1 раз — Фінляндыі. Зборная Беларусі медалёў турніру не заваёўвала.
Каментары