Грамадства

Мяса, арэхі, шпінат: рацыён «жалезнага» здароўя

Жалеза ў нашым арганізме адказвае за клетачнае дыханне і метабалізм, але арганізм яго самастойна не выпрацоўвае. Як з гэтым быць?

Гэты важны мікраэлемент уваходзіць у склад гемаглабіну, з якога складаюцца клеткі крыві — эрытрацыты. Менавіта яны дастаўляюць кісларод дакладна па прызначэнні — да органаў і тканак. Жалеза таксама адыгрывае важную ролю ў халестэрынавым абмене, падтрыманні імунітэту, піша «Звязда».

Наш арганізм гэты каштоўны мікраэлемент самастойна не выпрацоўвае. Таму важна, каб у рацыёне ён быў у дастатковай колькасці. Асабліва маюць патрэбу ў жалезе жанчыны дзетароднага ўзросту, паколькі рэгулярна губляюць гэта рэчыва падчас «крытычных» дзён. Па ацэнках спецыялістаў, мужчынам дастаткова атрымліваць з ежай 10 мг жалеза штодня, жанчынам трэба 15-18 мг, а падчас цяжарнасці 20 мг.

У якіх прадуктах ёсць?

Жалезам багата чырвонае мяса, прычым змяшчаецца мікраэлемент там у гемавай форме і лёгка засвойваецца. Катлеты з ялавічыны ці свініны, вяндліна і каўбасы, мяса труса і бараніна папоўняць запасы жалеза ў арганізме. Багатыя жалезам сэрца, ныркі жывёл, асабліва шмат яго ў печані. Каштоўная крыніца жалеза — вустрыцы і іншыя малюскі, якія да таго ж нізкакаларыйныя і не ўтрымоўваюць халестэрыну, а таксама арэхі. 

Ёсць лідары па ўтрыманні мікраэлемента і сярод гародніны — гэта шпінат, брокалі, а сярод садавіны — яблыкі, гранат, разынкі. Дастаткова жалеза ў жытнім хлебе, грэчцы. Цёмны шакалад таксама можа дапамагчы насыціць арганізм жалезам. І, вядома, гематаген — салодкія пліткі з альбумінам, якія можна набыць у аптэках.

Як выяўляецца дэфіцыт?

Пастаяннае пачуццё стомленасці, галавакружэнне, адсутнасць апетыту, сухасць і бледны колер скуры, выпадзенне валасоў, ломкасць пазногцяў і незагойныя трэшчынкі ў кутках вуснаў могуць сігналізаваць пра дэфіцыт жалеза. А яшчэ людзі, якія пакутуюць ад недахопу жалеза, схільныя да частых прастуд і іншых інфекцый.

Чым выкліканы нізкі ўзровень жалеза ў арганізме? Часцей за ўсё — недахопам у рацыёне прадуктаў, якія гэты мікраэлемент утрымліваюць. Прычынай у жанчын могуць быць моцныя менструацыі, страта крыві ў выніку аперацыйных умяшанняў, траўмаў і г.д. Часам жалеза ў ежы дастаткова, але яго ўсмоктванне парушана. Гэта здараецца з-за некаторых захворванняў страўніка і кішэчніка.

Чым дапамагчы?

Калі ў вас няма сур’ёзных захворванняў ЖКТ, а дэфіцыт жалеза выкліканы толькі незбалансаваным харчаваннем, дастаткова змяніць яго характар, каб палепшыць сітуацыю. Дапамагчы могуць вітамінна-мінеральныя комплексы. Каб жалеза засвойвалася, у вашым рацыёне абавязкова павінны прысутнічаць вітаміны А, С, Е, а таксама групы В, асабліва В12. Перш чым прымаць дабаўкі з жалезам, неабходна параіцца з доктарам.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць