У сацыяльных сетках 19 студзеня з'явіліся некалькі відэазапісаў і фотаздымкаў, на якіх, як сцвярджаецца, паказаны зенітныя ракетна-гарматныя комплексы «Панцыр-С1», усталяваныя на дахах некалькіх будынкаў у Маскве. Сапраўднасць апублікаваных матэрыялаў не пацверджаная, але яны шматлікія і публікуюцца рэсурсамі розных арыентацый, піша «Медуза».
Тэлеграм-канал Moscow calling распаўсюдзіў некалькі відэазапісаў, на якіх, як сцвярджаецца, паказаны момант устаноўкі ЗРПК «Панцыр-С1» на доме 8 у Цяцерынскім завулку (будынак па гэтым адрасе на «гугл-картах» падобны да будынка на відэазапісах). Яшчэ ў адным роліку, сцвярджае канал, ЗРПК стаіць на даху дома.
Расійскія тэлеграм-каналы, у тым ліку некалькіх «ваенкараў», а таксама заходнія OSINT-спецыялісты, як адзначае «Агенцтва», апублікавалі фатаграфію будынка Міністэрства абароны РФ на Фрунзенскай набярэжнай, дзе, як сцвярджаецца, таксама паставілі «Панцыр-С1».
У пачатку гэтага тыдня ў расійскіх тэлеграм-каналах таксама выклалі фатаграфіі зенітных ракетных комплексаў С-400, якія з'явіліся ў раёне нацыянальнага парку «Ласіны востраў» і на вопытных палях Ціміразеўскай сельгасакадэміі ў Маскве. «Сірэна» паведамляе, што ў «Ласіным востраве» высеклі дрэвы, каб стварыць пляцоўку для ЗРК.
Улады Масквы, а таксама Міністэрства абароны РФ пакуль не каментавалі гэтыя паведамленні.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Каментары