У беларускіх крамах з'явіліся шкарпэткі, якія можна лічыць мерчам былога тэнісіста Макса Мірнага, піша «Камсамольская праўда».
Пасля заканчэння спартыўнай кар'еры цяпер 45-гадовы самы тытулаваны беларускі тэнісіст займаецца бізнэсам. У Мінску ўжо шмат гадоў працуе спартыўны цэнтр Max Mirnyi Sport Center. А ў 2014 годзе Мірны стаў тварам касметычнай лініі MAX sport ад «Вітэкс».
Цяпер жа на паліцах мінскіх крамаў заўважылі навінку: мерч Максіма Мірнага ў выглядзе шкарпэтак. Іх лінейку выпусціла прадпрыемства ў Віцебску.
Шкарпэткі тут самыя розныя: чорныя з белымі палоскамі, белыя з яркімі палосамі, шэрыя, мужчынскія, дзіцячыя… На этыкетцы — выява Мірнага.
Што да цаны, то каштуе Max Mirnyi-мерч у гэтым выкананні да 5 рублёў за пару шкарпэтак. Склад: 80% бавоўна, 20% — эластан і іншыя ніткі.
Каментары
Нет, не куплю́!
Максимка, рынок тобой не охвачен