Беларускія дарожнікі навучыліся ўкладваць асфальтабетон у снег, не парушаючы тэхналогію, расказаў тэлеканаду СТБ гендырэктар «Гаррамаўтадара» Дзяніс Глінскі.
«Існуе такая тэхналогія, якая можа і ў снег укладваць асфальтабетон. Галоўнае, каб карта, якую выразалі, была чыстая», — расказаў ён, пад картай маючы на ўвазе прастакутнік у асфальце.
А вось калі дарожнікі ўкладваюць гарачыя асфальтабетонныя сумесі ў лужыну — то гэта недапушчальна, адзначыў Глінскі.
Цяпер у Мінску адначасова працуюць брыгады асфальтабетоншчыкаў на 25 вуліцах, прычым, не толькі днём, але і ноччу. І нібыта
пасля таго, як у іх з'явілася сучасная тэхніка для залівання асфальтабетону, прадукцыйнасць працы павялічылася ажно ў 4 разы.
Адна з галоўных праблем з дарожным палатном у Мінску — каляіны ў месцах прыпынкаў гарадскога транспарту летам. Каб гэтага пазбегнуць, сталі ўкладваць асфальт на армаваную сетку, і яна мае аберагаць дарогу ад каляін і расколін. У якасці эксперыменту такім чынам ужо адрамантавалі ўчастак дарогі на вуліцы Каліноўскага. Праўда, які будзе вынік, стане зразумела толькі праз два-тры гады эксплуатацыі.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма19
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары
а там надта вялікі пассаЖЫРАпаток?