Грамадства66

Дзе лепш жыць у Беларусі? Даследчыкі склалі рэйтынг беларускіх гарадоў

Якое месца выбраць для жыцця ў Беларусі? Цэнтр новых ідэй склаў рэйтынг гарадоў, які дапаможа адказаць на гэтае пытанне.

Брэст

Пералік, ужо чацвёрты ў гісторыі ўстановы, прэзентавалі супрацоўнікі цэнтра Антон Раднянкоў і Аляксандр Аўтушка-Сікорскі. Каманда цэнтра прааналізавала 40 самых вялікіх гарадоў краіны, у кожным з якіх жыве больш за 19 тысяч чалавек, па чатырох крытэрыях.

Пачалі з дэмаграфічнай устойлівасці — то-бок з паказчыка таго, наколькі ў горадзе маладое насельніцтва і як хутка яно расце. Па гэтым параметры выйграе паўднёвы захад краіны: першыя пяць месцаў займаюць Жлобін, Івацэвічы, Брэст, Пінск і Гродна. Далей абмяркоўвалі стан эканомікі (заробкі, беспрацоўе, інвестыцыі і самастойнасць мясцовых бюджэтаў), і ў лідарах цэнтр краіны: Мінск, Дзяржынск, Салігорск, Смалявічы і Рэчыца.

Трэцім параметрам для параўнання выступіла якасць жыцця, яе вымяралі па колькасці дактароў, студэнтаў, узроўню злачыннасці і рэйтынгу славутасцей. Лідзіруюць у асноўным абласныя цэнтры, але не толькі: Мінск, Гродна, Віцебск, Полацк, Пінск. Таксама эксперты ацанілі праяўленасць грамадска-палітычных практык. У топе спіса Дзяржынск, Мінск, Салігорск, Смалявічы і Наваполацк.

Раней у рэйтынгу ўлічвалася яшчэ і турыстычная прывабнасць гарадоў, але гэтым разам эксперты ад яе адмовіліся. Яны звяртаюць увагу, што некаторыя краіны пасля падзей 2020 года раілі сваім грамадзянам не ездзіць у Беларусь, таксама ў краіне цяпер не працуюць некаторыя замежныя сэрвісы накшталт Booking.com, ды і агульная колькасць турыстаў з замежных краін паменшала ў Беларусі за апошнія гады ў разы. З іншага боку, наяўнасць у горадзе славутасцей і месцаў, якія варта пабачыць, павышае якасць жыцця і саміх гараджан, таму гэты фактар улічвалі ў адпаведным параметры.

Яшчэ некалькі назіранняў ад экспертаў: у гарадах значна паменшала людзей пенсійнага ўзросту, і гэта можа быць звязана, на думку даследчыкаў, з пандэміяй кавіду і яе небяспекай для гэтай катэгорыі насельніцтва.

Таксама даследчыкі адзначаюць, што апошнім часам у Беларусі моцна знізілася колькасць гарызантальных сувязей: калі перакладаць гэта на простую мову, то людзі давяраюць толькі тым, з кім могуць сесці за адзін стол.

Кажучы пра агульны рэйтынг, лідзіруюць у ім Мінск, Гродна і Брэст — гарады з добрымі заробкамі і высокай якасцю жыцця, у Гродна і Брэсце да таго ж жыве шмат маладых людзей. Высокія пазіцыі ў прамысловых монагарадоў — гаворка пра Салігорск, Жодзіна, Жлобін, Наваполацк і Мазыр.

Таксама добрыя пазіцыі маюць гарады-спадарожнікі Мінска — Дзяржынск і Смалявічы: яны выйграюць за кошт памеру інвестыцый, высокай грамадскай актыўнасці, добрай дэмаграфіі і заробкаў.

Рэйтынг, складзены даследчыкамі Цэнтра новых ідэй

Што да ніжняй часткі рэйтынга, то эксперты адзначаюць тры гарады, прамысловасць у якіх дажывае свой час, — гэта Барысаў, Баранавічы і Бабруйск. Таксама на апошнія пазіцыі трапілі гарады ўсходняй Беларусі, у тым ліку Рагачоў, Крычаў, Орша, Пружаны і Асіповічы.

«Наша Нiва» — бастыён беларушчыны

ПАДТРЫМАЦЬ

Жудасны новы свет. Прадказанні аднаго з самых апакапаліптычных геапалітычных стратэгаў

Чэшскі дэмаграфічны цуд: у іх была самая нізкая нараджальнасць у свеце, сёння яны лідары ў Еўропе

ААН высветліла, як будзе мяняцца дэмаграфія Зямлі ў гэтым стагоддзі

Каментары6

  • Абу
    13.02.2023
    Жыць у Беларусі ці не жыць / Быць Беларусі ці не быць - вось у чым пытанні, а не гэта ўсё.
  • удакладненне
    13.02.2023
    Пружаны - заходняя Беларусь.
    • Докшыцкі хлебазавод – нязменны лідар па якасці й асартыменту прадукцыі
      13.02.2023
      удакладненне, не, толькі райцэнтр Докшыцы. Во дзе жытуха людзям !
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Студэнт гістфака БДУ, якога катавалі ў міліцыі падчас пратэстаў. Расказваем пра загінулага каліноўца Аляксандра Сераду6

Студэнт гістфака БДУ, якога катавалі ў міліцыі падчас пратэстаў. Расказваем пра загінулага каліноўца Аляксандра Сераду

Усе навіны →
Усе навіны

Лукашэнка: Ніякай вайны з Еўропай Пуцін не плануе. Калі б планаваў — я б дакладна ведаў13

Зяленскі: Курская аперацыя выканала сваё заданне4

Праз тры месяцы пасля вызвалення з наваполацкай калоніі памёр былы палітвязень. Яму было 485

Беларускі фермер паказаў, як трымерам рыхтуе клубніцы да сезону — мільёны праглядаў

У AirPods плануюць дадаць сінхронны пераклад размовы

Лукашэнка пра Зяленскага: Валодзя як сын мне быў, але паступіў як гніда32

Генштаб УСУ абверг заяву Трампа аб «акружэнні ўкраінскіх войскаў»2

Чалы аналізуе задачы, якія Лукашэнка паставіў новаму ўраду3

Украінская паліцыя затрымала чалавека, якога падазраюць у забойстве актывіста Дзям'яна Ганула4

больш чытаных навін
больш лайканых навін

Студэнт гістфака БДУ, якога катавалі ў міліцыі падчас пратэстаў. Расказваем пра загінулага каліноўца Аляксандра Сераду6

Студэнт гістфака БДУ, якога катавалі ў міліцыі падчас пратэстаў. Расказваем пра загінулага каліноўца Аляксандра Сераду

Галоўнае
Усе навіны →

Заўвага:

 

 

 

 

Закрыць Паведаміць