Лукашэнка: «Мае продкі родам з Украіны». Колькі легенду ні абвяргай фактамі, ён за яе ўсё адно трымаецца
У інтэрв'ю кітайскай журналістцы Аляксандр Лукашэнка традыцыйна расказваў, што ён вядзе міралюбівую палітыку і «вымушаны будзе адказваць», толькі калі з боку Украіны будзе агрэсія. А ваяваць ён не хоча, бо «мае продкаў з Украіны».
«Мы не хочам ніякай вайны. Тым больш народ украінскі — не чужыя нам людзі. Гэта родныя нам людзі. Нават мае продкі недзе там ва Украіне нарадзіліся паміж Чарнігавам і Кіевам», — заявіў Лукашэнка кітайскай журналістцы.
Гэтая легенда — што дзед Лукашэнкі нібыта нарадзіўся ў Чарнігаўскай губерніі (цяпер Глухоўскі раён Сумскай вобласці Украіны) — пайшла, верагодна, з артыкула «Камсамольскай праўды» за 2003 год. Джэймс Лукашэнка з Канады тады расказаў, не прывёўшы аніякіх доказаў, што ягоныя дзед і дзед Лукашэнкі нібыта былі братамі, пра што яму расказаў кузэн з Глухава.
Раней гэтая легенда ўжо пераканаўча абвяргалася архіўнымі дакументамі. Дзед Лукашэнкі Трафім Прохаравіч жыў у вёсцы Александрыя і падчас Усесаюзнага перапісу 1926 года пазначыў сябе беларусам. Калі б ён быў не мясцовым, а пераехаў туды з Украіны, то яўна і нацыянальнасць пазначыў бы адпаведную.
Такая жывучасць гэтай даўно аспрэчанай легенды тлумачыцца сярод іншага і тым, што паводле абывацельскіх уяўленняў прозвішчы на -ка (-ко) — украінскія, а таму іх носьбіты проста ледзь не абавязаныя мець нейкія карані ва Украіне.
Аднак жа аніякага рэальнага грунту гэтае ўяўленне пад сабой не мае.
Хоць прозвішчы на -ка (-ко) сапраўды вельмі распаўсюджаныя ва Украіне, але і ў Беларусі яны зусім не нешта выключнае, прытым не сярод прыезджага, а карэннага насельніцтва.
Асабліва прозвішчы з такім канчаткам распаўсюджаныя на Гомельшчыне, у многіх рэгіёнах яны ўвогуле пераважаюць. І на Магілёўшчыне, адкуль родам Лукашэнка, яны зусім не рэдкія.
Чытайце таксама:
У Лукашэнкі няма ўкраінскіх каранёў: дакументы абвяргаюць распаўсюджаную версію паходжання сям’і кіраўніка дзяржавы
Дык усё ж ці бяспечны Telegram і для якіх мэтаў бяспечны? Вось што ясна на сёння11
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары