Пасля вяртання з-за мяжы затрымалі былога пажарнага — у 2020-м ён папярэдзіў жыльцоў «Каскада», што едуць здымаць сцяг
У СІЗА-1 на Валадарскага знаходзіцца 32-гадовы Максім Сташулёнак, паведамляе «Вясна». Гэта былы пажарны, які ў 2020 годзе папярэдзіў жыхароў «Каскаду», што іх бел-чырвона-белы сцяг едуць здымаць. Пасля гэтага яго звольнілі.
Мужчына быў затрыманы на пачатку лютага, пасля вяртання ў Беларусь з-за мяжы.
Яму інкрымінуецца «народны» арт. 342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх).
Максім Сташулёнак. Фота: «Радыё Свабода»
Падтрымаць: СІЗА-1, 220030, Мінск, Валадарскага, 2, Максім Валер'евіч Сташулёнак.
Каментары