Ютуб выдаліў канал Вавана і Лексуса. Апошняя ахвяра расійскіх пранкераў — экс-кіраўнік МЗС Вялікабрытаніі
Ютуб спачатку заблакаваў, а затым выдаліў канал скандальна вядомых крамлёўскіх пранкераў Вавана і Лексуса. Пра гэта 5 сакавіка паведамілі самі пранкеры ў сваім тэлеграм-канале. Прычына — парушэнне правілаў супольнасці ютуба. Але пранкеры лічаць, што гэты крок быў звязаны з іх нядаўнім розыгрышам былога кіраўніка брытанскага МЗС Уільяма Хэйга.
«Наш канал заблакавалі. Пастараліся Вялікабрытанія і лорд Хэйг. Мабыць, чым больш гучаць сакрэты заходніх чыноўнікаў, тым хутчэй яны спрабуюць іх прыкрыць», — напісалі Ваван і Лексус, назваўшы рашэнне палітычным крокам і дыскрымінацыяй.
Напярэдадні Уладзімір Кузняцоў (Ваван) і Аляксей Сталяроў (Лексус) пагаварылі з былым лідарам Кансерватыўнай партыі Вялікабрытаніі і экс-міністрам замежных спраў Вялікабрытаніі Уільямам Хэйгам ад імя экс-прэзідэнта Украіны Пятра Парашэнкі. Поўнае відэа было апублікавана 1 сакавіка.
Нагадаем, што расійскія пранкеры Ваван і Лексус праславіліся дзякуючы званкам-розыгрышам многім знакамітасцям планеты.
Сярод іх «ахвяр» былі такія вядомыя асобы, як Святлана Алексіевіч, Стывен Кінг, Джоан Роўлінг, Элтан Джон, Борыс Джонсан, Анджэй Дуда, Пятро Парашэнка, Міхаіл Саакашвілі і нават Аляксандр Лукашэнка.
Таксама пранкеры некалькі разоў разыгрывалі еўрапейскіх палітыкаў, тэлефануючы нібы ад асобы Святланы Ціханоўскай (так яны тэлефанавалі членам парламента Даніі і кіраўніку Еўрапарламента).
Чытайце яшчэ:
У інтэрнэце апублікавалі відэа, як камандуючы расійскай групоўкай у Беларусі танцуе аголены. Інтрыга — для каго
У Вільні выступіў скандальны расійскі рэпер. Перад канцэртам прайшла акцыя пратэсту, не абышлося без бойкі і затрыманняў
Байдэну паспяхова выдалілі пухліну скуры
Цяпер чытаюць
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка4
Каментары