Заснавальнік расійскага гурта Cream Soda праваліўся пад лёд з кампаніяй сяброў. Адзін з іх загінуў, яшчэ траіх шукае МНС
У ноч на 20 сакавіка некалькі чалавек, у ліку якіх быў сузаснавальнік расійскага гурта Cream Soda Дзмітрый Свіргуноў (Дзіма Нова) і яго сябры, праваліліся пад лёд, гуляючы па Волзе ў Яраслаўскай вобласці. Адзін чалавек загінуў, яшчэ траіх, уключаючы Свіргунова, шукае МНС.
«Сёння ноччу ў нас адбылася трагедыя. Наш Дзіма Нова ў кампаніі сяброў гуляў па Волзе і праваліўся пад лёд. Дзіму, яго брата Рому і сябра Гошу Кісялёва дагэтуль шукае МНС. Арыстарха, нашага сябра, які таксама праваліўся пад лёд, удалося дастаць, але не ўдалося выратаваць», — гаворыцца ў запісе гурта ў Instagram.
У адміністрацыі Някрасаўскага раёна Яраслаўскай вобласці паведамілі, што кампанія з 10 чалавек, якая адпачывала ў вёсцы Дзіева-Гарадзішчы, вырашыла схадзіць у суседнюю вёску па лёдзе Волгі. На зваротным шляху лёд не вытрымаў і пяцёра чалавек апынуліся ў вадзе.
Дваім з іх удалося выбрацца, аднак па дарозе ў бальніцу адзін з выратаваных, 27-гадовы музыкант Арыстарх Ухтомскі, памёр у машыне хуткай дапамогі.
Яраслаўскі электронны гурт Cream Soda вядомы трэкамі «Плачу на тэхна» і «Ніякіх больш вечарынак».
Абноўлена. Пазней экстраныя службы Яраслаўскай вобласці пацвердзілі, што Дзмітрый Свіргуноў загінуў.
Цяпер чытаюць
Удава Мікіты Мелказёрава ўпершыню публічна расказала пра ноч яго смерці10
Удава Мікіты Мелказёрава ўпершыню публічна расказала пра ноч яго смерці
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары