Беларуская чыгунка папярэдзіла патэнцыйных пасажыраў пра тое, што ў красавіку ў расклад некаторых маршрутаў будуць унесеныя часовыя змены, часам нават дастаткова істотныя.
Так, БЧ паведамляе, што з 3 па 6 красавіка зменіцца расклад цягніка №615/616 Магілёў — Гомель. 3 і 6 красавіка гэты цягнік адправіцца з Магілёва ў 8:15 (на 2 гадзіны, 44 хвіліны раней, чым звычайна), а 4 і 5 красавіка — адправіцца з Магілёва ў 10:47 (на 12 хвілін раней, чым звычайна).
3 і 4 красавіка цягнік №861 Орша — Мінск адправіцца са станцыі Орша-Цэнтральная ў 11:58 (на 1 гадзіну, 23 хвіліны пазней, чым звычайна), а цягнік №864 Мінск — Орша адправіцца з Мінска ў 11:23 (на 2 хвіліны раней, чым звычайна).
3 красавіка цягнік №737 Мінск — Брэст адпраўленнем з Мінска ў 13:15 будзе ісці з прыпынкам на станцыі Баранавічы-Цэнтральныя (замест станцыі Баранавічы-Палескія).
Таксама чыгунка папярэджвае аб змене ў графіку руху цягнікоў №737, 725 Мінск — Брэст 17 красавіка. Яны адправяцца з Мінска раней, чым звычайна: цягнік №737 — у 12:50 (на 25 хвілін раней), а цягнік №725 — у 14:40 (на 21 хвіліну раней).
Таксама з 4 па 28 красавіка шэраг цягнікоў рэгіянальных і міжрэгіянальных ліній на ўчастку Мінск — Баранавічы будзе ісці з невялікімі зменамі ў раскладзе.
БЧ просіць пасажыраў «з разуменнем паставіцца да гэтай акалічнасці і ўлічваць яе пры планаванні паездак».
Герой Беларусі Марына Васілеўская нарадзіла дачку ад касманаўта Алега Навіцкага16
Каментары