Урад працягнуў забарону на вываз прамысловых тавараў. Дакумент афіцыйна апублікаваны на Нацыянальным прававым інтэрнэт-партале 24 сакавіка.
«Устанавіць часовую забарону на вываз за межы Рэспублікі Беларусь у дзяржавы — члены Еўразійскага эканамічнага саюза (ЕАЭС) тавараў па пераліку згодна з дадаткам незалежна ад краіны паходжання», — адзначаецца ў дакуменце.
Таксама ўводзіцца забарона на вываз тавараў за межы мытнай тэрыторыі ЕАЭС з Беларусі ў краіны, якія не з'яўляюцца дзяржавамі — членамі ЕАЭС, тавараў, змешчаных пад мытныя працэдуры экспарту, часовага вывазу, перапрацоўкі па-за мытнай тэрыторыяй і рээкспарту.
Забарона не распаўсюджваецца на тавары, якія маюць сертыфікат аб беларускім або расійскім паходжанні, якія вывозяцца па ўзгадненні з рэспубліканскімі органамі дзяржкіравання. Не будуць забароненыя да вывазу тавары, якія перамяшчаюцца паміж часткамі тэрыторыі Расійскай Федэрацыі транзітам праз тэрыторыю Рэспублікі Беларусь, а таксама тавары, якія вывозяцца з Рэспублікі Беларусь у Расійскую Федэрацыю ў рамках Саюзнай дзяржавы, у тым ліку транзітам праз тэрыторыі іншых дзяржаў.
Цяпер чытаюць
Стала вядома імя яшчэ аднаго палкоўніка ДФР, арыштаванага КДБ. Ён расказваў сукамернікам, як яго катавалі10
Каментары