Міністэрства інфармацыі 30 кастрычніка папярэдзіла заснавальніка недзяржаўнай рэгіянальнай газеты «Вольнае Глыбокае» за публікацыі на расейскай мове.
Уладзіміра Скрабатуна (ён жа рэдактар газеты) вінавацяць у парушэнні п.3 арт. 14 закона «Аб сродках масавай інфармацыі», бо ён не паведаміў міністэрству ў належны тэрмін пра змену мовы выдання.
«Вольнае Глыбокае» зарэгістравана як беларускамоўная газета.
Але ў двух вераснёўскіх нумарах выдання (NN 36, 38 ад 3, 17 верасня) былі апублікаваныя рэкламныя тэксты на расейскай мове.
Гэта і стала падставай для вынясення папярэджання.
«Вядома, у будучым мы будзем мець на ўвазе, што гэта з’яўляецца парушэннем», — зазначыў у гутарцы з прэс‑службай БАЖ Уладзімір Скрабатун.
Каментары