Беларус страляў з лука ў варшаўскім парку і пацэліў у іншага чалавека
У адным з паркаў у Варшаве мужчына быў выпадкова паранены стралой з лука. Ён проста сядзеў на лаўцы, калі страла, выпушчаная іншым мужчынам падчас трэніроўкі ў стральбе па мішэні, трапіла яму ў калена. На шчасце, паранены не атрымаў цяжкіх траўмаў, але яго даставілі ў шпіталь для агляду, паведамляе варшаўская паліцыя.
Фота: praga-polnoc.policja.gov.pl
Інцыдэнт здарыўся 13 чэрвеня ў пятніцу, каля 19:00. На месца здарэння прыехалі паліцэйскія і медыкі. Аказалася, што страляў 34-гадовы грамадзянін Беларусі. Яго затрымалі, а лук і стрэлы забралі для далейшага расследавання.
Паліцыя правяла апытанне сведкаў і пацярпелага, а сабраныя матэрыялы перадалі ў пракуратуру варшаўскага раёна Прага-Поўнач. Траўма аказалася няцяжкай, хоць патэнцыйна сітуацыя магла скончыцца значна горш.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою15
Каментары