Колькасць вакансій у Беларусі ў 54 разы большая, чым зарэгістраваных беспрацоўных
Прэс-служба дзяржаўнай службы занятасці апублікавала свежыя даныя пра колькасць вакансій і афіцыйна зарэгістраваных беспрацоўных у Беларусі. Паводле статыстыкі, вольных працоўных месцаў у краіне цяпер у 54 разы больш, чым афіцыйна зарэгістраваных беспрацоўных.
Па стане на пачатак чэрвеня без працы былі каля 4 тысяч беларусаў — гэта на 21% больш, чым у сакавіку.
У маі працу знайшлі 3,3 тысячы чалавек, а за ўвесь год — больш за 41 тысячу. Некаторых накіравалі на перанавучанне па больш запатрабаваных прафесіях, а частка людзей нават памяняла дзеля новай працы месца жыхарства.
За апошнія тры месяцы колькасць вакансій павялічылася на 14%.
Дарэчы, амаль у 25 тысячах выпадкаў працадаўцы прапаноўвалі дадатковыя бонусы для новых супрацоўнікаў — напрыклад, часовае жыллё.
Пры гэтым найбольшая патрэба ў работніках назіраецца ў Мінску, дзе, паводле Белстата, самыя высокія заробкі па краіне.
«Загрузка ўпала, заказаў менш». Работнікаў прадпрыемства ў Рэчыцы сталі адпраўляць у адпачынкі без аплаты
Як ПВТ пачуваецца ў 2025 годзе: айцішнікаў і грошай больш, але да аднаўлення яшчэ далёка
Найбуйнейшы ў Беларусі пелетны завод спыняў працу праз санкцыі. Цяпер «арыентуецца на ўнутраны рынак»
Вынаходніцтва ў Беларусі скацілася да шматгадовага мінімуму
Каментары