Вызначыліся магчымыя супернікі беларускіх клубаў у першым раўндзе кваліфікацыі еўракубкаў
Сёння а 15-й у швейцарскім Ньёне пройдзе лёсаванне першага раўнду кваліфікацыі футбольнай Лігі чэмпіёнаў, а 17-й — Лігі канферэнцый.
Перад лёсаваннем каманды разбітыя на міні-групы.
Мінскае «Дынама» ў першым раўндзе кваліфікацыі Лігі чэмпіёнаў можа атрымаць аднаго з чатырох наступных супернікаў: «Лудагорац» (Балгарыя), «Алімпія» (Славенія), «Зрыньскі» (Боснія і Герцагавіна), «Будучнасць» (Чарнагорыя).
Супернік стане вядомы а 15-й.
У мінулым годзе «Дынама», якое стартавала ў кваліфікацыі Лігі чэмпіёнаў, дабралася да асноўнага раўнду Лігі канферэнцый.
Магчымымі супернікамі гродзенскага «Нёмана» ў кваліфікацыі першага раўнду Лігі канферэнцый могуць быць малдаўскі «Петракуб», казахстанскі «Ардабасы», чарнагорскі «Дэчыч» і армянскі «Урарту».
Брэсцкага «Дынама» — люксембургскі «Дзюдэланж», славенскі «Копер», чарнагорскі «Суцьеска-Нікшыч» і санмарынская «Ля Фіярыта».
Жодзінскага «Тарпеда» — андорская «Санта-Калома», люксембургскі «Расінг-Юніён», санмарынскі «Фіёры» і македонскій «Работнічкі».
Матчы першага раўнду кваліфікацыі Лігі чэмпіёнаў і Лігі канферэнцый пройдуць 8-10 і 15-17 ліпеня.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Выляцяць ўсе са свістам.
О, гэта ж піва "Нікшычко" вараць у тым Нікшычы, чарнагорскай вёсцы.