З такой заявай выступіў у Вашынгтоне міністр замежных спраў Польшчы Радаслаў Сікорскі.
ЗША павінны адправіць свае войскі ў Польшчу для абароны ад магчымай агрэсіі з боку Расеі. З такім патрабаваннем выступіў міністр замежных спраў Польшчы Радаслаў Сікорскі. Паводле яго словаў, сумесныя расейска‑беларускія вучэнні «Захад‑2009» прадэманстравалі агрэсіўнасць планаў Масквы, і цяпер неабходна ўзмацніць амерыканскую ваенную прысутнасць ва Усходняй Еўропе.
«ЗША павінны выканаць свае саюзніцкія абавязальніцтвы перад Польшчай і абараніць яе ад Расіі» — заклікаў кіраўнік польскага МЗС Радаслаў Сікорскі, які выступаў у сераду ў вашынгтонскім Цэнтры стратэгічных і міжнародных даследаванняў.
«Нашым жаданнем было б атрымаць амерыканскія войскі, размешчаныя ў нашай краіне, як шчыт супраць рускай агрэсіі»,
— абвясціў польскі міністр. «Мы памежная краіна NАТО і ведаем, што гэта значыць», — адзначыў кіраўнік польскага МЗС.
Ці будзеце вы спакойнымі, калі з аднаго боку мяжы ў вас шэсць натаўскіх салдат, а з другога — 900 танкаў», ‑‑ паскардзіўся Сікорскі.
Сведчаннем агрэсіўных намераў Масквы, на думку Сікорскага, можна лічыць вераснёвыя сумесныя вучэнні Расіі і Беларусі «Захад‑2009», у якіх прынялі ўдзел да 13 тыс. ваеннаслужачых. У іх упершыню адпрацоўваліся задачы па каардынацыі сістэм СПА, аб’яднаць якія дзве краіны дамовіліся гэтай вясной. Аднак Варшава больш за ўсё затурбаваў умоўны запуск ядзерных ракет і манеўры, якія нагадваюць дэсантную аперацыю на мяжы з Польшчай. Аб тым, што менавіта такія задачы адпрацоўваць ва падчас вучэнняў, напісаў польскі тыднёвік «Wprost».
Нягледзячы на тое што вучэнні афіцыйна былі названыя «абарончымі», многія аперацыі, што адпрацоўваліся там, мелі наступальны характар — лічаць у польскай сталіцы. Расія, указвае Сікорскі, так і не вызначылася са сваімі замежнапалітычнымі прыярытэтамі, што не можа не турбаваць яе суседзяў.
Паводле словаў міністра, у польскім МЗС да гэтага часу не ведаюць, што за «пасланне» Расія накіравала свету, арганізаваўшы на межах NATO самыя маштабныя манеўры за ўсю постсавецкую гісторыю. Гэта, у сваю чаргу, прымушае задумацца заходніх суседзяў Расеі аб пераўзбраенні.
Паводле міністра, нядаўні візіт амерыканскага віцэ‑прэзідэнта Джозэфа Байдэна ў Польшчу і Чэхію, дзе ЗША збіраліся размяшчаць комплексы супрацьпаветранай абароны, падцвердзіў, што Вашынгтон застаецца верным саюзніцкім абавязальніцтвам перад сваімі партнёрамі па NАТО. Аднак ЗША маглі б даказаць свае добрыя намеры і справай. «Калі вы яшчэ можаце сабе гэта дазволіць, нам неабходна нейкае стратэгічнае пацвярджэнне», — заявіў Сікорскі. «Калі 10 гадоў таму Польшча ўступіла ў NАТО, Расіі было зроблена абяцанне, што значныя сілы NАТO не будуць накіроўвацца ў рэгіён», — сказаў Сікорскі. «Аднак ніхто ў той час не казаў, што ніколі і ніякія сілы не будуць размешчаны, і гэта справа, якую варта зрабіць», — дадаў ён.
Можна толькі здагадвацца, як падобныя жаданні кіраўніка МЗС Польшчы расцэняць у Брусэлі. Пасля, як падаецца, немінучага падпісання Лісабонскага трактату, ЕС будзе мець значна больш магчымасцяў для правядзення актыўнай замежнай палітыкі. І прысутнасць на тэрыторыі ЕС вялікай колькасці амерыканскіх вайскоўцаў можа не спадабацца Берліну альбо Парыжу. Натуральна, што амерыканцаў могуць замяніць войскі Еўрапейскага Саюза, але да іх стварэння яшчэ вельмі далёка.
У Беларусі ўжо некалькі вечароў праблемы з інтэрнэтам. Расказваем, што адбываецца2
Каментары