Віцебскі флагшток, які ўлады назвалі бясплатным, абыйдзецца ў 440 тысяч даляраў
Мясцовым уладам прыйдзецца добра патраціцца на ўладкаванне самой плошчы, на якой ужо ўсталявалі сам флагшток.
У Віцебску на плошчы ля Лядовага палаца змантавалі 69-метровы флагшток. Падчас грамадскіх абмеркаванняў адміністрацыя горада заяўляла, што гораду гэты флагшток нічога не будзе каштаваць — маўляў, яго ўсталююць за спонсарскія сродкі. Спонсара, праўда, чыноўнікі не называюць.
Аднак арганізацыя самой плошчы вакол флагштока абыдзецца гарадскому бюджэту ў сур'ёзную суму, падлічыў «Віцебскі кур'ер».
На сайце дзяржзакупак было апублікавана як мінімум сем пазіцый, звязаных з плошчай:
- Святлодыёдныя экраны (1 125 069,43 рублёў);
- Інтэрактыўны стэнд (129 520,51 рублёў);
- Лаўкі (100 404,72 рублёў);
- Урны бетонныя (19 890 рублёў);
- Урны палімербетонныя (19 890 рублёў);
- Кашпо бетонныя (54 450,66 рублёў);
- Шафа кіравання вонкавым асвятленнем (12 600 рублёў).
Усё гэта збіраліся закупляць за бюджэтныя сродкі. Агулам уладкаванне плошчы абыдзецца ў 1 461 825 рублёў — гэта 440 тысяч даляраў.
Пры гэтым конкурс на некаторыя закупкі ўсё яшчэ працягваецца, а заканчэнне будаўніцтва перанесена на наступны год. Гэта значыць сума можа стаць яшчэ больш.
-
Пасольства Польшчы ў Мінску змяняе правілы прыёму дакументаў на карту паляка
-
Славенія заплаціць беларусу амаль 100 тысяч еўра за тое, што на яго навялі пісталет пры затрыманні, а пасля пратрымалі год за кратамі
-
«Пагроза бяспецы калег». Зазулінская патлумачыла, чаму ў «Еўрапейскім выбары» перасталі давяраць Мамаевай
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары