Падчас паветраных удараў па ваенных аб’ектах на тэрыторыі Ірана ў мінулую суботу Ізраіль знішчыў тры зенітна-ракетныя комплексы С-300 расійскай вытворчасці, якія засталіся на ўзбраенні Ірана.
Пра гэта паведамляе газета The Wall Street Journal са спасылкай на амерыканскіх і ізраільскіх афіцыйных асобаў.
Гэтыя комплексы, што з’яўляліся ключавым элементам сістэмы СПА Ірана, змаглі, паводле газеты, перахапіць, у лепшым выпадку, некалькі з сотняў ракет, выпушчаных па цэлях у Іране падчас паветранай атакі, у якой прымалі ўдзел сто ізраільскіх баявых самалётаў. Тры з чатырох комплексаў, пастаўленых Расіяй Ірану, былі знішчаныя падчас гэтай атакі. Чацвёрты быў знішчаны раней.
Паводле даных амерыканскага Інстытута вывучэння вайны (ISW), адзін з комплексаў С-300 знаходзіўся побач з аэрапортам Тэгерана, два іншыя прыкрывалі аб’екты энергетычнай інфраструктуры — нафтавы порт, нафтаперапрацоўчы завод і радовішча прыроднага газу, піша расійская служба «Радыё Свабода».
ЗРК С-300, што знаходзіліся на ўзбраенні Ірана, з’яўляюцца мадэрнізаванай у канцы 1990-х гадоў версіяй гэтага комплексу, які паступіў на ўзбраенне савецкай арміі ў канцы 1970-х.
Па словах аналітыкаў, са стратаю комплексаў С-300 многія крытычна важныя аб’екты Ірана застаюцца безабароннымі перад ракетнымі атакамі. Магчымасцяў атрымаць ад Расіі больш сучасныя ЗРК С-400 у яго няма, бо Расія выкарыстоўвае ўсе рэзервы для вядзення баявых дзеянняў ва Украіне.
Гэты інцыдэнт, разам са знішчэннем некалькіх расійскіх комплексаў С-300 украінскай арміяй падчас баявых дзеянняў ва Украіне і паспяховымі ўдарамі ўкраінцаў па больш сучасных расійскіх ЗРК С-400, наносіць сур’ёзны ўрон рэпутацыі расійскай абароннай прамысловасці. Газета цытуе аналітыкаў, якія лічаць, што традыцыйныя кліенты расійскага ВПК, хутчэй за ўсё, пачнуць шукаць альтэрнатыўных пастаўшчыкоў узбраення, што можа быць на руку паўднёвакарэйскім, ізраільскім, амерыканскім і кітайскім вытворцам узбраення.
Цяпер чытаюць
З Міністэрства культуры звольнілі першага намесніка Маркава3
Каментары
С учётом того, что за последние два года, одна Западная Европа потратила 190 млрд. долларов на своё перевооружение...
Ну, разве решит сгореть в ядерном пепле вместе с своими бункерами и Россией, и то, навряд позволят.