Расія ўдарыла па жылым доме ў Харкаве, загінула 11-гадовае дзіця, 30 параненых
У выніку расійскага ўдару па жылым доме ў Харкаве загінула 11-гадовае дзіця, паведаміў кіраўнік Харкаўскай абласной вайсковай адміністрацыі Алег Сінягубаў.
Фота з тэлеграм-канала Алега Сінягубава
«На жаль, адно дзіця загінула. Медыкам, нягледзячы на спробы, не ўдалося рэанімаваць хлопчыка», — напісаў ён у тэлеграме.
Як распавёў выданню «Суспільне» дырэктар абласнога цэнтра экстраннай меддапамогі Віктар Забашта, хлопчыка дасталі з-пад завалаў з цяжкай траўмай галавы, пераломамі і без прыкмет жыцця.
Паводле яго слоў, рэанімацыйныя мерапрыемствы праводзілі цягам 40 хвілін.
Колькасць пацярпелых у выніку ўдару станам на 7:40 павялічылася да 34 чалавек.
Таксама з-пад завалаў ратавальнікі дэблакавалі фрагменты цел.
Аварыйна-выратавальныя работы працягваюцца.
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны26
Каментары