Лукашысты паказалі відэа, дзе выяўлена, як «радыкалы» спалілі праваслаўны храм ва Украіне. Насамрэч, гэтая царква згарэла 10 гадоў таму ў Расіі
Лукашэнкаўскія прапагандысты выдалі пажар у праваслаўным храме расійскага сяла Ільінка Астраханскай вобласці 10-гадовай даўніны за падпал «украінскімі радыкаламі» праваслаўнай царквы ў сяле Новапалтаўка Мікалаеўскай вобласці Украіны, піша выданне «Зеркало».
Аднатыпныя фэйкі пра «падпал» храма з'явіліся 5 красавіка ў тэлеграм-каналах Агенцтва тэленавін, Рыгора Азаронка, тэлеканала АНТ і ў іншых праўладных крыніцах. Але дадумаліся яны да гэтага не самі: да лукашэнкаўскіх прапагандыстаў інфармацыя перавандравала з пракрамлёўскіх СМІ.
«Ва Украіне працягваюць ганенні на праваслаўных, — паведаміў тэлеканал АНТ у публікацыі на сваім сайце ад 6 красавіка. — Спалены чарговы праваслаўны храм. Гэтым разам у сяле Новапалтаўка Мікалаеўскай вобласці».
«Агнём знішчаная праваслаўная царква ў сяле Новапалтаўка», — публікуе фэйк газета адміністрацыі Лукашэнкі «СБ. Беларусь сегодня».
Усе навіны, якія распаўсюджвалі лукашэнкаўскія прапагандысты, ілюстраваліся відэа, якое нібыта было знятае непасрэдна ў Новапалтаўцы.
Ролік гэты — рэальны. Царква сапраўды гарэла, але не ў 2023 годзе, а ў 2013-м. І не ва ўкраінскай Новапалтаўцы, а ў расійскай Ільінцы. Інфармацыю пацвердзіў і ўкраінскі Цэнтр стратэгічнай камунікацыі і інфармацыйнай бяспекі.
Дарэчы, царква ў Ільінцы згарэла дашчэнту.
Гэты храм быў пабудаваны яшчэ ў XIX стагоддзі. У ім захоўвалася мноства святынь, уключаючы цудатворны міратачывы абраз Усіх засмучаных радасць, на якой выявіўся вобраз Божай Маці, пісала «Камсамольская праўда».
А з царквой у Новапалтаўцы ўсё ў парадку. І яна зусім не падобная на храм у Ільінцы.
Чытайце таксама:
Прапагандысты выклалі «сакрэтны дакумент пра катастрафічныя страты Украіны». Але ён аказаўся фэйкам
Цяпер чытаюць
Хто той чацвёрты вайсковец ЗША, якога дагэтуль шукаюць? І які амаль супадае па ўзросце з амерыканцам, затрыманым пад Маладзечнам7
Каментары