Некалькі беларускіх тэнісістаў падпісалі дэкларацыі аб нейтральным статусе, каб згуляць на сёлетнім Уімблдоне
Ужо некалькі расійскіх і беларускіх тэнісістаў падпісалі асабістыя заявы, якія дазволяць ім выступаць у якасці нейтральных гульцоў на сёлетнім Уімблдонскім тэнісным турніры, паведамляе Reuters.
Імёны спартоўцаў не называюцца.
«Я не буду дзяліцца падрабязнасцямі, хто гэта, але шэраг гульцоў ужо падпісалі. Мы выслухалі водгукі спартоўцаў за мінулы год, і яны сказалі, што хацелі мець магчымасць падпісаць дэкларацыю. Яны цалкам разумеюць, на што яны падпісваюцца», — заявіла 25 красавіка Салі Болтан, выканаўчы дырэктар Усеанглійскага клуба лаўн-тэніса і кракета (AELTC), арганізатара Уімблдону.
Каб удзельнічаць у сёлетніх спаборніцтвах, расійскія і беларускія спартоўцы павінны пагадзіцца прымаць удзел у іх у нейтральным статусе, не рабіць заяў у падтрымку вайны ва Украіне і не атрымліваць фінансаванне ад расійскай і/або беларускай дзяржаў і кампаній, якія яны кантралююць.
У 2022 годзе арганізатары Уімблдону вырашылі не дапускаць прадстаўнікоў Расіі і Беларусі да ўдзелу ў спаборніцтвах, за што Асацыяцыя тэнісістаў-прафесіяналаў (ATP) і Жаночая тэнісная асацыяцыя (WTA) знялі з турніру рэйтынгавыя балы.
У сакавіку 2023 года Уімблдон абвясціў, што зняў татальную забарону, але цяпер тэнісісты павінны падпісаць дэкларацыю.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1
Каментары