Пра знойдзеную ў лесе за некалькі кіламетраў ад Быдгашча ракету класа «паветра-зямля» стала вядома сёння. Надпісы на ёй былі на рускай мове. Польскім журналістам стала вядома, што такая ракета ёсць на ўзбраенні польскай арміі і, імаверна, яе выкарыстоўвалі падчас вучэнняў.
Непадалёк ад месца знаходкі, прыкладна за 10 км, знаходзіцца абароннае прадпрыемства «Лётніча-2», якое рамантуе, у тым ліку, знішчальнікі F-16. Таксама паблізу знаходзіцца аэрапорт, які выкарыстоўваецца гэтым прадпрыемствам і ўзброенымі сіламі.
Надпісы на кірыліцы на абломках могуць тлумачыцца тым, што на ўзбраенні Польшчы застаецца зброя савецкай вытворчасці — у тым ліку самалёты МіГ-29 з ракетамі «паветра-зямля».
«Варта нагадаць, што ў нас ёсць МіГі-29, якія абсталяваныя ракетамі», — так у эфіры інтэрнэт-радыё RMF24 пракаментаваў знаходку ў лесе пад Быдгашчам генерал Раман Полка.
«Магчыма, былі нейкія трэніроўкі, можа, украінцаў, можа, польскіх лётчыкаў», — дадаў ён.
Цяпер чытаюць
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх4
Каментары