Пагранічны камітэт фармуе дзве манеўраныя групы на заходняй мяжы
Дзяржаўны памежны камітэт фармуе на мяжы дадатковыя манеўраныя групы. Пра гэта заявіў журналістам старшыня Дзяржпагранкамітэта Анатоль Лапо пасля нарады ў Лукашэнкі па пытаннях бяспекі і правапарадку і мерах па ахове дзяржаўнай мяжы, піша БелТА.
«Мяжа — гэта жывы арганізм, і абстаноўка ў зімовы перыяд і летні зусім іншая. Калі ўзімку ўчасткі дзесьці непраходныя або цяжкапраходныя, то вясной-летам яны агаляюцца», — адзначыў Анатоль Лапо.
На нарадзе Лукашэнку далажылі, як складваецца абстаноўка на мяжы і як у сувязі з гэтым фарміруюцца манеўраныя групы, якой тэхнікай забяспечваюцца падраздзяленні на мяжы.
«Мы ў мінулым адну групу сфармавалі ў мазырскім атрадзе (гэта каля 300 чалавек), цяпер абстаноўка такая, што мы вымушаныя фармаваць адну манеўраную групу на лідскім кірунку, другую — як рэзерв на брэсцкім напрамку. Будзе восень — можа, яны там непатрэбныя будуць, будзем перакідваць на іншы кірунак», — распавёў старшыня Дзяржпагранкамітэта.
«Абстаноўка на мяжы прагназуемая і кантралюемая», — запэўніў Анатоль Лапо.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары