Нацыянальны цэнтр маркетынгу і кан'юнктуры цэн ва ўсіх рэгіянальных філіялах пачаў прыём дакументаў па звароце ў МЗС па прастаўленне апастылю і консульскую легалізацыю дакументаў. Паслуга пачала аказвацца з 2 мая, паведамляе Федэрацыя прафсаюзаў.
Легалізацыя прадстаўляе сабой спецыяльную працэдуру, якая накіраваная на наданне афіцыйным дакументам, складзеным на тэрыторыі Беларусі дзяржаўнымі органамі і арганізацыямі, юрыдычнай сілы для іх падачы ў кампетэнтныя органы за мяжой.
Як удакладнілі ў Нацыянальным цэнтры маркетынгу, легалізацыя дакументаў ажыццяўляцца ў адной з формаў:
- шляхам прастаўлення апастылю для дакументаў, якія прадстаўляюцца ў краінах — удзельніцах Гаагскай канвенцыі аб адмене патрабаванняў легалізацыі замежных афіцыйных дакументаў, якая была падпісаная яшчэ 5 кастрычніка 1961 года;
- праз консульскую легалізацыю дакументаў, якія прадстаўляюцца ў краіны, якія не з'яўляюцца ўдзельніцамі Гаагскай канвенцыі.
Працэдуру апастылявання ў Беларусі ажыццяўляюць МЗС, Мінадукацы і Міністэрства юстыцыі.
Апастыль прастаўляецца на наступных дакументах:
- пасведчанні і даведкі, якія выдаюцца органамі ЗАГСа і архівамі органаў ЗАГСа (пасведчанне аб нараджэнні, даведка аб адсутнасці запісу акта аб заключэнні шлюбу і інш.);
- выпіскі з Адзінага дзяржаўнага банка даных аб правапарушэннях, якія выдаюцца органамі ўнутраных спраў;
- даведкі аб стане здароўя і выпіскі з медыцынскіх дакументаў, якія выдаюцца ўстановамі аховы здароўя;
- выпіскі з Адзінага дзяржаўнага рэгістра юрыдычных асоб і індывідуальных прадпрымальнікаў (АДР), якія выдаюцца Міністэрствам юстыцыі;
- іншыя віды дакументаў, магчымасць прастаўлення апастылю на якія вызначаецца пры разглядзе дакумента.
Консульская легалізацыя ажыццяўляецца ў дачыненні да дакументаў:
- складзеных на тэрыторыі Беларусі дзяржаўнымі органамі і арганізацыямі;
- складзеных пасольствам або консульствам замежнай дзяржавы, акрэдытаваным у Беларусі або акрэдытаваным у Беларусі па сумяшчальніцтве;
- пакінутых на тэрыторыі замежнай дзяржавы, у якой адсутнічае пасольства або консульства Беларусі.
Нацыянальны цэнтр маркетынгу працуе толькі з дакументамі ад фізічных асоб.
Паперы прымуць для ажыццяўлення працэдуры легалізацыі, калі яны адпавядаюць гэтым патрабаванням, у прыватнасці:
— у дакументах не павінна быць выпраўленняў, падчыстак, прыпісак, выкрэсліванняў;
— памятыя, падраныя, пацёртыя або пашкоджаныя паперы не падлягаюць легалізацыі;
— назва пасады асобы, якая падпісала дакумент, уласнаручны подпіс і яе расшыфроўка (ініцыялы, прозвішча) павінны быць выразнымі;
— адбіткі афіцыйных пячатак павінны быць добра чытэльнымі;
— ламінаваныя паперы таксама не падыдуць для легалізацыі.
Рэгіянальныя філіялы Нацыянальнага цэнтра маркетынгу прымаюць дакументы для аказання паслугі па прастаўленні апастылю і консульскай легалізацыі 5 дзён на тыдзень — з панядзелка па пятніцу — з 9:00 да 12:00.
Папярэдне трэба запісацца на прыём. Зрабіць гэта можна з панядзелка па чацвер з 17:00 да 18:00 па тэлефонах:
- Мінск: +375 (17) 204 88 53;
Гродна: +375 (152) 55 93 92;
Брэст: +375 (162) 25 14 06;
Гомель: +375 (232) 32 33 45;
Магілёў: +375 (222) 71 23 40;
Віцебск: +375 (212) 36 90 75.
Каментары