Эксперымент пацыента прывёў да доўгатрывалага паляпшэння яго чырвона-зялёнага зроку.
Псілацыбінавыя грыбы, магчыма, дапамаглі палегчыць дальтанізм прынамсі ў адным выпадку. Gizmodo распавядае пра даклад, апублікаваны лекарамі і даследчыкамі з Cleveland Clinic у амерыканскім Агаё і University of Alabama ў Бірмінгеме. Артыкул, апублікаваны ў часопісе Drug Science, Policy and Law, апісвае чалавека, у якога пасля адной дозы псілацыбінавых грыбоў назіраецца сціплае, працяглае паляпшэнне чырвона-зялёнага зроку (то-бок здольнасці адрозніваць чырвоныя і зялёныя адценні ў каляровай гаме).
Псілацыбін з'яўляецца асноўным актыўным інгрэдыентам шматлікіх грыбоў. Ён і іншыя псіхадэлічныя прэпараты вывучаюцца заходнімі навукоўцамі і дактарамі для патэнцыйнага выкарыстання ў медыцынскіх мэтах, такіх, як, напрыклад, дапамога ў лячэнні дэпрэсіі і посттраўматычнага стрэсавага расстройства.
Даныя нядаўніх апытанняў спажыўцоў псіхадэлікаў таксама паказваюць, што апошнія могуць палепшыць дэфіцыт каляровага зроку. Але, наколькі вядома лекарам, якія стаяць за гэтай новай справаздачай, да гэтага часу не было апублікаваных эксперыментальных даных або справаздач аб гэтай новай патэнцыйнай карысці прэпаратаў.
Пацыент, пра якога ідзе гаворка, — 35-гадовы мужчына з дэйтэранамаліяй, тыпам чырвона-зялёнага дальтанізму (ці колераслепасці). Паведамляецца, што цягам многіх гадоў ён час ад часу прымаў псіхадэлікі. Пасля некаторых сеансаў ён заўважыў паляпшэнне свайго чырвона-зялёнага бачання, што ў канчатковым выніку натхніла яго на правядзенне ўласнага эксперыменту.
Непасрэдна перад тым, як праглынуць адну дозу сушаных псілацыбінавых грыбоў, ён прайшоў тэст Ішыхара (Ishihara test), які звычайна выкарыстоўваецца для праверкі меры чырвона-зялёнага дальтанізму. Затым ён працягваў здаваць тэст праз рэгулярныя прамежкі часу на працягу наступных чатырох месяцаў, правяраючы адказы толькі ў канцы эксперыменту. Дактары, якім ён распавёў пра свой эксперымент, правялі пасля ўласны тэст — праз 436 дзён пасля яго першапачатковага выкарыстання псілацыбіну.
Аўтары даследавання пішуць, што аднаразовае выкарыстанне псілацыбіну можа выклікаць эфект частковага паляпшэння недахопу каляровага бачання, прычым паляпшэнне працягваецца і пасля першапачатковага вострага эфекту, нягледзячы на тое, што сам стан дальтанізму звычайна з'яўляецца вынікам генетычнага дэфекту.
Як і ў большасці выпадкаў, дальтанізм мужчыны, верагодна, была выкліканы генетычнымі мутацыямі ў клетках колбачак сятчаткі. Малаімаверна, што псілацыбін ці іншыя псіхадэлікі могуць нейкім чынам выправіць дэфекты гэтых клетак або нават непасрэдна ўплываюць на вочы.
Хутчэй за ўсё, мяркуюць даследчыкі, гэтыя прэпараты могуць выклікаць новыя сувязі ў частках мозгу, якія ўдзельнічаюць у візуальнай апрацоўцы найвышэйшага ўзроўню (асабліва што тычыцца нашага ўспрымання колераў). Аўтары адзначаюць, што людзі, якія ўжываюць псіхадэлікі, рэгулярна паведамляюць пра яркія змены ў тым, як яны бачаць колеры, таму гэты феномен можа быць працягам гэтага эфекту.
Вядома, гэта толькі адзінкавы выпадак, заснаваны ў асноўным на самасправаздачы аднаго чалавека з лёгкай формай дальтанізму. Аўтары кажуць, што для пацвярджэння іх высноў будуць неабходныя далейшыя даследаванні з вялікай колькасцю людзей.Тады даследчыкі змогуць высветліць, ці дапамогуць псіхадэлікі людзям з больш сур'ёзным дальтанізмам і як менавіта гэта працуе.
«Яна не ў турме, а на спецдачы КДБ!» Канспіролагі накінуліся на Калеснікаву12
Каментары
Надо или легализовывать безопастные наркотики или запрещать алкаголь. Наркополитика в демократическом государстве должна быть последовательной. Например от передозировки водкой умирает в среднем 1500 белорусов в год.
Я бы легализовал марихуанну и грибы и разрешил бы продажу алкаголя только в барах. Где бармен сильно подвыпившему человеку больше не нальет а вызовет такси.