Трамп заявіў, што «многія элементы» мірнага пагаднення ўжо ўзгодненыя
Прэзідэнт ЗША Дональд Трамп заявіў, што многія элементы мірнага пагаднення аб Украіне былі ўзгодненыя з расейскім лідарам Уладзімірам Пуціным напярэдадні іх тэлефоннай размовы ў аўторак, піша Бі-бі-сі.
У сваёй сацсетцы Truth Social Трамп пацвердзіў, што размова адбудзецца раніцай па часе Вашынгтона (+7 гадзін па беларускім часе).
«Раніцай у аўторак я буду гаварыць з прэзідэнтам Пуціным пра вайну ва Украіне. Многія элементы канчатковага пагаднення былі ўзгоднены, але многае яшчэ трэба будзе зрабіць. Тысячы маладых салдат і іншыя людзі гінуць. Кожны тыдзень гінуць 2500 салдат з абодвух бакоў, і гэта павінна спыніцца неадкладна. Я з нецярпеннем чакаю размовы з прэзідэнтам Пуціным», — напісаў ён.
Раней Трамп і Белы дом заяўлялі, што ў размове, у прыватнасці, будзе абмяркоўвацца пытанне тэрыторый, а таксама сітуацыя ў Курскай вобласці і на Запарожскай АЭС, якая знаходзіцца пад кантролем расійскіх войскаў.
У Крамлі заявілі, што не будуць раскрываць дэталі наступнай размовы.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары
З Еўропай і Украінай ён паступае так як яны заслугоўваюць.
З Расіяй- так каб спыніць вайну.
Вынікам паводзін Трампа стане канец вайны і ўзмацненне Еўропы і ЗША.
Спынненне выдаткаў на непатпэьныя смі напрашвалася даўно. З іх ніякай карысці не было ніколі.