Здарэнні77

Што адбылося з 16-гадовай дзяўчынай з Дзяржынска, якая памерла пасля курэння вэйпу? Расказваюць яе сябры

Жыхары Дзяржынска які дзень абмяркоўваюць навіну аб 16-гадовай дзяўчыне, якая раптоўна памерла пасля курэння вэйпу ў кампаніі. Усё адбылося яшчэ ў мінулы чацвер, 13 сакавіка, але шырокай грамадскасці аб гэтай гісторыі стала вядома толькі ўчора падчас прэс-канферэнцыі МУС. Onlíner пагаварыў з адной з сябровак загінулай дзяўчыны, а таксама патэлефанаваў у навучальную ўстанову і інтэрнат, дзе яна жыла. Вось што вядома на дадзены момант.

Ілюстрацыйны здымак. Фота: vecteezy.com

Учора на прэс-канферэнцыі прадстаўнікі МУС расказалі, што за некалькі хвілін да смерці дзяўчына ў кампаніі сяброў парыла вэйп, раптоўна яна адчула сябе дрэнна, страціла прытомнасць і памерла.

Вучаніца адной з мясцовых школ расказала, што ім аб гэтай трагедыі паведамілі ў мінулую пятніцу, на наступны дзень пасля здарэння.

— Гарадок у нас маленькі: дзве школы, дзве гімназіі і адзін каледж. Ужо на наступны дзень наш класны кіраўнік сабрала ўвесь клас і расказала, што пасля курэння вэйпу памерла дзяўчынка, і прачытала лекцыю [пра здаровы лад жыцця]. Асабіста яе [памерлую дзяўчынку] я не ведала, але расказвалі, што яна тры дні нічога не ела, а калі паліла вэйп, нібыта зацягнулася і, заўважыўшы выхавацеля, затрымала дыханне, а потым страціла прытомнасць і практычна адразу ж памерла…

Журналістам удалося адшукаць адну з сябровак загінулай дзяўчыны. Вось што яна расказала:

— Яна была вельмі шчырай, таварыскай, з усімі хацела сябраваць. У мінулым годзе паступіла на першы курс, вучылася на повара-афіцыянта. Жыла ў інтэрнаце, родам была [з іншага горада]. Яна была сіратой, выхоўвалася ў сям'і блізкіх сваякоў. Усё адбылося ў чацвер, гадзін у восем. Яна стаяла ў кампаніі [падлеткаў] каля інтэрната, запаліла [вэйп] і ўпала. Калі прыехала хуткая, ужо нічым нельга было памагчы.

Са слоў сяброўкі, у дзяўчыны былі праблемы з сэрцам.

— Тое, што яна галадала дні тры, праўда. Але яна, выходзіць, нават мне ў гэтым не прызнавалася, хавала. Навошта? Мусіць, як і ўсе дзяўчынкі, жадала быць худой, хоць яна і так была стройнай, прыгожай.

З дзяўчынай развіталіся на мінулым тыдні ў яе родным мястэчку. Пасля трагедыі, расказалі падлеткі, у інтэрнаце праверылі пакоі і нагадалі навучэнцам, што ім нельга выкарыстоўваць і захоўваць вэйпы.

Дырэктар навучальнай установы, дзе вучылася дзяўчына, каментаваць тое, што адбылося, адмовіўся, але сказаў, што зараз па факце смерці навучэнкі праводзіцца праверка.

Адмовіліся ад каментароў і ў інтэрнаце.

Каментары7

  • Minak
    18.03.2025
    Dyk a vejp tut pry čym?
  • Тры днi не ела
    18.03.2025
    Галадаючыя дзецi лукашызма
  • Не курю
    18.03.2025
    Не кури и будешь жить.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Дзе нарадзіліся вядомыя беларусы? Больш за дзесяць тысяч асоб сабралі на адной карце1

Дзе нарадзіліся вядомыя беларусы? Больш за дзесяць тысяч асоб сабралі на адной карце

Усе навіны →
Усе навіны

Украінцы ўзялі ў палон ураджэнца Магілёва і прысудзілі яму 15 гадоў за дзяржаўную здраду10

«Мы будзем адказваць на ўсе ўдары з боку Расіі». Зяленскі адрэагаваў на заяву Крамля пасля перамоў з ЗША3

У Бярозаўскім раёне жанчына набыла праз аўкцыён хату сваёй бабулі3

Аляксандр Івулін завёў мілага сабаку. Пра такую пароду вы, магчыма, не чулі16

«Трамп, відаць, не пагадзіўся на гэтыя вар'яцкія ўмовы»: першыя рэакцыі на размову Трампа з Пуціным8

Маршрутка для тых, хто курыць, ці самагонны апарат на колах? У Бабруйску заўважылі незвычайнае аўто1

«Вельмі добрая і прадуктыўная». Трамп пракаментаваў сваю размову з Пуціным4

Якія назвы вуліц самыя папулярныя ў Беларусі?5

Пад Віцебскам інструктары ПВК «Вагнер» трэніруюць афрыканскіх байцоў кіраваць дронамі2

больш чытаных навін
больш лайканых навін

Дзе нарадзіліся вядомыя беларусы? Больш за дзесяць тысяч асоб сабралі на адной карце1

Дзе нарадзіліся вядомыя беларусы? Больш за дзесяць тысяч асоб сабралі на адной карце

Галоўнае
Усе навіны →

Заўвага:

 

 

 

 

Закрыць Паведаміць