Праваабаронцы даведаліся, што асуджаныя па «справе прафсаюза РЭП» палітзняволеныя Васіль Бераснеў, Генадзь Фядыніч і Вацлаў Арэшка ўжо пераведзеныя для адбыцця прызначанага ім пакарання ў калоніі.
Злева направа: Генадзь Фядыніч, Васіль Бераснеў і Вацлаў Арэшка
Прысуд траім палітзняволеным быў вынесены 5 студзеня. Фядынічу і Берасневу прызначылі 9 гадоў калоніі, а Арэшку — 8 гадоў калоніі.
31 сакавіка ў Вярхоўным судзе пачалі разглядаць апеляцыйныя скаргі палітвязняў. У выніку судовая калегія пакінула прысуд без змен, а скаргі — без задавальнення.
Цяпер стала вядома, што нядаўна лідараў незалежнага прафсаюзнага руху перавялі ў калоніі: Фядыніча — у бабруйскую калонію № 2, Бераснева — у магілёўскую калонію № 15, а Арэшку — у шклоўскую калонію № 17.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары