Сыход цягніка з рэек у Крыме мог парушыць дастаўку ўзбраенняў Чарнаморскаму флоту — брытанская разведка
Цягнік, які сышоў з рэек у анексаваным Крыме ў чацвер, заблакаваў адзіную чыгуначную лінію, якая вядзе ў порт Севастопаля, базу расійскага Чарнаморскага флоту, звяртае ўвагу ў сваёй штодзённай зводцы брытанская разведка.
Пра сыход цягнікоў са збожжам у Крыме ўчора заявіў кіраўнік анексаванага Расіяй рэгіёна Сяргей Аксёнаў. У прэс-службе Крымскай чыгункі сказалі, што інцыдэнт адбыўся «праз умяшанне старонніх асоб». Тэлеграм-каналы пісалі, што цягнік сышоў з рэек у выніку выбуху.
Расійскі бок хутка адрамантуе гэты ўчастак чыгункі, але інцыдэнт перашкодзіць дастаўцы грузаў і, магчыма, такіх узбраенняў, як крылатыя ракеты «Калібр», для Чарнаморскага флоту Расіі, піша разведка.
«Любы сабатаж у гэтым адчувальным рэгіёне яшчэ больш узмоцніць асцярогі Крамля з нагоды сваёй здольнасці гарантаваць бяспеку інфраструктуры ў Крыме. Паўвостраў па-ранейшаму мае важнае псіхалагічнае і матэрыяльна-тэхнічнае значэнне ў абслугоўванні вайны Расіі ва Украіне», — адзначаюць аўтары зводкі.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы45
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары