«Наша дзяўчынка ўсё гэта цягне, а гэты…» Цётка Сафіі Сапегі пракаментавала памілаванне Пратасевіча
Цётка Сафіі Сапегі Геля Дудзіч пракаментавала сённяшняе памілаванне Рамана Пратасевіча, не пашкадаваўшы ў яго адрас нават моцных слоў. Яна абураная, што Пратасевіча памілавалі, а Сафія, якая патрапіла ў палон толькі таму, што з ім звязалася, працягвае пакутаваць у турме з цьмянымі далейшымі перспектывамі.
«У мяне мурашы па скуры, я не разумею, што наогул адбываецца. У памілаванні ёй [Сафіі] было адмоўлена. Мама гэтаксама нічога не ведае. Цяпер робіцца ўсё, каб яе выцягнуць. У мяне слоў няма. У мяне слёзы.
Наша дзяўчынка ўсё гэта цягне. А гэты… (…) І ажаніўся, і памілавалі яго. Вой, не магу».
Сафія Сапега таксама раней пісала прашэнне аб памілаванні.
Паводле слоў Гелі Дудзіч, ні яна сама, ні мама Сафіі Сапегі толкам нічога не ведаюць пра яе справу. Вядома толькі, што 24 мая павінен адбыцца суд, на якім вызначаць, ці перавядуць Сафію адбываць пакаранне ў Расіі.
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары