Стаў вядомы яшчэ адзін выпадак смерці затрыманага ў РУУС. Ён адбыўся два гады таму
Альянсу расследавальнікаў Беларусі пры дапамозе «Кіберпартызанаў» удалося даведацца яшчэ пра адну смерць, пра якую не паведамляла МУС, піша «Белсат».
Раніцай 8 снежня 2020 года ў АДС Заводскага РУУС Мінска быў знойдзены мёртвым Міхаіл Бокуць 1976 года нараджэння.
Напярэдадні ўвечары яго затрымаў участковы інспектар міліцыі ГАМ № 3 Заводскага РУУС маёр міліцыі Пціцын.
На момант затрымання ў Бокуця не мелася цялесных пашкоджанняў, але праз 11 гадзін і 49 хвілін яго знайшлі мёртвым у будынку РУУС. Брыгада хуткай медычнай дапамогі канстатавала смерць.
Кіраўніцтва ГУУС Мінгарвыканкама прызначала ўнутраную праверку, РАСК па Заводскім раёне Мінска адмовіўся ўзбуджаць крымінальную справу.
Як вынікае са спецданясення начальніка ГУУС Мінгарвыканкама міністру ўнутраных спраў Кубракову, Бокуць быў дастаўлены ў міліцыю, бо яго накіравалі на прымусовае лячэнне ў ЛПП.
Там таксама пазначана, што Бокуця судзілі па «адміністрацыйках» (артыкулы за ўжыванне алкаголю ў грамадскіх месцах, наўмыснае прычыненне цялеснага пашкоджання і г. д.), але да крымінальнай адказнасці ён ніколі не прыцягваўся.
Дагэтуль няма ніякай інфармацыі, што стала прычынай смерці Міхаіла Бокуця.
Сёння стала вядома, што на мінулых выхадных у Лідскім РАУС раптоўна памёр 37-гадовы мясцовы паэт, удзельнік фестываляў сучаснага мастацтва Дзмітрый Сарокін.
Найбольш рэзанансным выпадкам смерці беларусаў у аддзелах міліцыі стала гісторыя Змітра Усхопава.
Жыхар Рэчыцы Гомельскай вобласці, 27-гадовы Усхопаў памёр у ноч з 31 снежня 2021 года на 1 студзеня 2022 года. Міліцыянты затрымалі яго на аўтобусным прыпынку, а праз дзве гадзіны ён памёр у шпіталі. Родныя Змітра ўпэўненыя, што яго да смерці збілі ў РАУС. У Следчым камітэце сцвярджалі, што Усхопаву «стала дрэнна» па дарозе ў бальніцу.
У Рэчыцы вынеслі прысуд Дзмітрыю Усхопаву, які загінуў на Новы год пасля затрымання сілавікамі. Судзілі яго, а не сілавікоў
«Лоўля хайпу на мерцвяка». БТ паказала сюжэт пра загінулага ў навагоднюю ноч Усхопава. Ці можна гэтаму верыць?
«На практыцы такіх выпадкаў у мяне і калег ніколі не было». Судмедэксперты ацанілі версію СК аб смерці Усхопава ад алкаголя і марыхуаны
Сведку затрымання загінулага жыхара Рэчыцы Дзмітрыя Усхопава эвакуявалі з Беларусі
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская5
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары