Днямі сустрэчу перанеслі праз тое, што ў прэзідэнта ЗША разбалеўся зуб.
Прэзідэнт ЗША Джо Байдэн у Вашынгтоне сустрэўся з генеральным сакратаром NATO Енсам Столтэнбергам.
Яны абмеркавалі наступствы вайны Расіі супраць Украіны для трансатлантычнай бяспекі і важнасць далейшага ўмацавання сіл стрымлівання і абароны NATO.
«Яны віталі падтрымку, якую сябры і партнёры альянсу надаюць Украіне для яе абароны ад расійскай агрэсіі», — гаворыцца ў паведамленні Белага дома.
Таксама падчас сустрэчы ўздымалася пытанне аб неабходнасці выканання сябрамі NATO абавязацельстваў па абаронных інвестыцыях, пацверджаных на Валійскім саміце ў 2014 годзе.
Акрамя таго, гаворка ішла пра больш хуткае далучэнне Швецыі да NATO.
Раней Байдэн перанёс сустрэчу са Столтэнбергам у Белым доме праз стаматалагічную працэдуру.
Каментары