Ежа11

Яблычнае з чабаром, слівавае… Чатыры рэцэпты варэння, старыя і новыя

Хатняе слівавае варэнне, а можа, з абрыкосаў з чабаром? Гэта робіцца проста.

Plum jam
Фота: RitaE / Pixabay

Такое варэнне можна з'есці з лустачкай свежага хлеба ці храбусткім багетам, а таксама дадаваць у дэсерты. Ва ўсіх варыянтах яно мае выдатны смак і выклікае лёгкую настальгію па леце.

Традыцыйнае слівавае варэнне

  • Сліва венгерка (вельмі салодкая, саспелая) — 2,5 кг
  • Соль — 1 сталовая лыжка
  1. Разрэжце слівы напалову і выдаліце косткі. Пакладзіце садавіну ў вялікую каструлю з тоўстым дном і пасаліце.
  2. Нагрэйце на сярэднім агні. Калі слівы закіпяць, паменшыце агонь і павольна варыце іх на працягу трох дзён — па некалькі гадзін штодня. Вельмі часта памешвайце. Варэнне павінна атрымацца вельмі густым, цёмна-фіялетавага колеру.

Абрыкосавае варэнне з чабаром

  • абрыкосы (мяккія і саспелыя) — 1 1/2 кг
  • цукар — 250 г
  • лісце чабару — 2 сталовыя лыжкі
  1. Абрыкосы вымыйце, выдаліце косткі і разрэжце на чвэртачкі.
  2. Змясціце ў вялікую каструлю, накрыйце і варыце на слабым агні 3-4 гадзіны (час ад часу памешвайце). Дадайце цукар і 1 сталовую лыжку лісця чабару.
  3. Варыце пад вечкам яшчэ каля дзясятка гадзін — расцягніце гэты працэс на два-тры дні. Калі змесціва рондаля будзе нагадваць кансістэнцыю варэння, варыце яшчэ 1-2 гадзіны; вельмі часта памешвайце.
  4. Зняўшы з агню, дадайце чабор, які застаўся, і старанна размяшайце.
Jams fruit
Фота: jarmoluk / Pixabay

Грушавае варэнне з карычневым маслам

  • грушы (пераважна салодка-салодкія) — 1 1/2 кг
  • струк ванілі — 1 шт.
  • масла — 100 г
  • соль — шчопаць
  1. Грушы вымыйце (не абірайце), разрэжце напалову і, выдаліўшы семечкі, нарэжце невялікімі кубікамі. Разрэжце струк ванілі па ўсёй даўжыні.
  2. Нагрэйце масла ў каструлі з тоўстым дном на слабым агні. Калі яно пачне пахнуць арэхамі і пенай, працягвайце асцярожна награваць, пакуль яно не стане карычневым. Дадайце грушы і струк ванілі.
  3. Варыце накрыўшы 3—4 гадзіны (час ад часу памешвайце). Перамяшайце да аднароднай масы і варыце яшчэ некалькі гадзін, пакуль большая частка вады не выпарыцца і мус не ператворыцца ў джэм.

Яблычнае варэнне ў карамелі з чабаром

  • Яблыкі — 2 кг
  • Цукар — ⅔ шклянкі
  • Вада — 4 сталовыя лыжкі
  • Чабор — жменька
  • Брэндзі — 1 шклянка
  1. Аблупіце цвёрдыя і кіслыя яблыкі. Некалькі кавалачкаў нарэжце невялікімі кубікамі — паўтары шклянкі нарэзанай такім чынам садавіны цалкам дастаткова. Адкладзіце гэта ўбок. Астатнюю садавіну наразаем невялікімі кавалачкамі.
  2. У каструлю насыпце цукар і ваду — нагрэйце на сярэднім агні, не размешвайце. Давядзіце да кіпення і варыце некалькі хвілін, пакуль сіроп не ператворыцца ў залацістую карамель.
  3. Дадайце ў каструлю з карамеллю ўсе яблыкі, акрамя нарэзаных кубікамі. Добра перамяшайце. Калі садавіна пусціць сок, дадайце жменьку чабару. Варыце каля 10 хвілін, пакуль яблыкі не стануць мяккія. Затым прыбярыце чабор і рамяшайце змесціва да пюрэпадобнага стану з дапамогай ручнога блендара. Дадайце нарэзаныя яблыкі і брэндзі. Варыце яшчэ чвэрць гадзіны, перыядычна памешваючы. Калі яблыкі стануць мяккія, зніміце каструлю з агню і раскладзіце варэнне па слоіках.

Каментары1

  • Л.
    22.09.2024
    А дзе малiнавае?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55

Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!

Усе навіны →
Усе навіны

Мелоні паведаміла, што Трамп гатовы даць Украіне гарантыі бяспекі па мадэлі НАТА16

10-гадовая брытанка стала наймалодшай дзяўчынкай, якая перамагла шахматнага гросмайстра5

Мерц расказаў пра «вялікі прагрэс» пасля сустрэчы Трампа і Пуціна6

Паветраная гімнастка паказала закуліссе працы ў Белдзяржцырку10

Кітай паабяцаў Трампу не нападаць на Тайвань, пакуль ён пры ўладзе4

Краіны Афрыкі патрабуюць адмовіцца ад праекцыі Меркатара17

На месцы швейнай фабрыкі «Алеся» ў Мінску пабудуюць жылыя дамы1

Мелказёраў у захапленні ад Насты Роўды: «Гэта прагрэс сезона»9

Франак Вячорка: Я б не разглядаў званок Трампа Лукашэнку як разварот ЗША ў бок Мінска8

больш чытаных навін
больш лайканых навін

Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55

Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!

Галоўнае
Усе навіны →

Заўвага:

 

 

 

 

Закрыць Паведаміць