Польскі «Кельцэ» Арцёма Каралька вырваў мінімальную перамогу ў ПСЖ (25:24) і выйшаў у фінал турніру, дзе згуляе з нямецкім «Магдэбургам».
Беларускі лінейны закінуў сёння пяць мячоў у гульні.
Фінал пройдзе заўтра а 19-й гадзіне. Гульні праходзяць у Кёльне.
Польскі клуб другі раз запар згуляе ў вырашальным матчы турніру. Летась ён саступіў у серыі пенальці «Барселоне», але Арцём Каралёк тады быў прызнаны MVP матча.
У 1980-я адным з наймацнейшых клубаў свету быў мінскі СКА. Пад кіраўніцтвам Спартака Мірановіча ён шэсць разоў выйграваў чэмпіянат СССР (1981, 1984, 1985, 1986, 1988, 1989), тройчы выйграваў Кубак еўрапейскіх чэмпіёнаў (1987, 1989, 1990), Кубак уладальнікаў кубкаў (1983, 1988).
У пачатку 2000-х Сяргей Рутэнка шэсць разоў станавіўся пераможцам Лігі чэмпіёнаў: у складзе славенскага «Цэле» (2004), іспанскіх «С'юдад-Рэала» (2006, 2008, 2009) і «Барселоны» (2011, 2015).
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі2
Каментары