У Сімферопалі ўзарваўся аўтамабіль чыноўніка акупацыйнай адміністрацыі Запарожскай вобласці
Уладзімір Епіфанаў, яго сакратар і ахоўнік атрымалі моцныя апёкі галавы, тулава і рук (ад 30 да 50%).
У Сімферопалі выбухнуў аўтамабіль прызначанага Расіяй «памочніка віцэ-прэм'ера Запарожскай вобласці» Уладзіміра Епіфанава, гэта пацвердзілі акупацыйныя ўлады.
Паводле папярэдніх звестак, Епіфанаў, яго сакратар і ахоўнік атрымалі моцныя апёкі галавы, тулава і рук (ад 30 да 50%).
«Сёння раніцай (каля 4-й раніцы) на Еўпатарыйскай шашы ў Сімферопалі выбухнуў аўтамабіль, у якім ехаў памочнік віцэ-прэм'ера па эканамічным развіцці Запарожскай вобласці і па сумяшчальніцтве кандыдат у дэпутаты ад «Адзінай Расіі» Уладзімір Епіфанаў.
Епіфанаў ехаў за рулём «Лэнд Крузера», у салоне былі яшчэ яго сакратар і ахоўнік. У нейкі момант выбухнуў усталяваны ў машыне газавы балон. Пасля выбуху чыноўнік страціў кіраванне аўтамабілем і ўрэзаўся ў плот», — паведамляецца ў тэлеграм-канале прадстаўніка акупацыйных уладаў Запарожскай вобласці Уладзіміра Рогава.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»8
Каментары