Вядомая сваёй радыкальна антыбеларускай пазіцыяй прарасійская і пралукашэнкаўская актывістка Вольга Бондарава знялася ў незвычайным для сябе жанры пакаяннага відэа. Яно з'явілася ў яе тэлеграм-канале як «афіцыйная заява».
«Прашу прабачэння ва ўсіх, каго магла пакрыўдзіць неасцярожным словам або неабгрунтаванымі прэтэнзіямі: дэпутатаў, публічных асоб, супрацоўнікаў праваахоўных органаў», — гаворыць на камеру Бондарава.
Пры гэтым яна абяцае: «Мы працягнем стваральную дзейнасць па абароне дзяцей, барацьбе з нацызмам, з фальсіфікацыямі гісторыі, а таксама па адукацыі грамадства ў інтарэсах дзяржавы». Гэта варта разумець як абяцанне працягваць дзейнасць, скіраваную супраць беларушчыны ва ўсіх яе праявах.
З'яўленне гэтага відэа відавочна звязана з тым, што апошнім часам Бондарава, адчуваючы сваю беспакаранасць і нават сілу, бо на яе кляўзы ўладныя органы рэагавалі хутка і рабілі ўсё, што ёй хацелася, перастала адчуваць меру. У выніку пад крытыку адыёзнай актывісткі сталі патрапляць нават чыноўнікі і сілавікі, з якімі ў яе з тых ці іншых прычын не склаліся адносіны. А яўна перайшла ўсе чырвоныя лініі яна тады, калі пайшла ў атаку на начальніка гродзенскай абласной міліцыі Дзмітрыя Разянкова.
Можна меркаваць, што менавіта аргументы высокапастаўленых сілавікоў вярнулі Бондараву з неба на зямлю і прымусілі больш крытычна ацаніць сваю ролю і месца.
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая4
Каментары
Беларуси ?
Не надо было трогать мвде и кгбе. Разрешено изголяться только над простыми белорусами и белорусским в Беларуси.
Показали, кто хозяин на этой части поляны русского мира, в которую, лукашенко и его силовики, превратили Беларусь.