У Беларусі сталі часцей падрабляць грошы — Нацбанк 2

Фота ілюстрацыйнае

«Па выніках першых трох месяцаў 2023 года банкаўскія работнікі выявілі 146 падробленых банкнот», — паведамляецца ў прэс-рэлізе Нацыянальнага банка.

У асноўным падрабляюць даляры ЗША, іх аказалася 82,9%. Доля падробленых еўра склала 11,6%, расійскіх рублёў — 4,1%, а беларускіх рублёў — 1,4%. Фальшывых манет выяўлена не было.

Калі параўноўваць з аналагічным перыядам 2022 года, то агульная колькасць падробак павялічылася на 4,3%. Больш за ўсё — аж у тры разы! — павялічылася колькасць падробленых еўра.

У асноўным падробкі спрабуюць збыць у Мінску: у сталіцы іх выявілі 62,3% ад усіх падробленых грашовых знакаў. Як правіла, усе фальшыўкі зробленыя з выкарыстаннем паліграфічных тэхналогій — гэта 96% фальшывых даляраў і 64% падробленых еўра. Для падробкі астатніх купюр выкарыстоўваліся друкаркі.

Чытайце таксама:

Галоўчанка паведаміў аб праблемах з рэалізацыяй малочнай прадукцыі: на складах амаль на паўмільярда даляраў

З-за засухі ў Беларусі загінулі збожжавыя на 37 тысячах гектараў

Кіраўнік «Гарызонта» кажа, што беларускі ноўтбук ужо прадаецца ў 18 краінах свету. Але адшукаць яго атрымалася толькі ў Расіі

Nashaniva.com