Культурніцкага актывіста Андрэя Прымаку асудзілі на чатыры гады калоніі
Андрэя Прымаку судзілі ў Мінскім гарадскім судзе 12 чэрвеня, але гэта стала вядома толькі цяпер. Мужчыну абвінавацілі паводле трох артыкулаў Крымінальнага кодэкса: арт. 368 (абраза Лукашэнкі), арт. 342 (арганізацыя і падрыхтоўка дзеянняў, якія груба парушаюць грамадскі парадак, ці актыўны ўдзел у іх), арт. 361-1 (стварэнне ці ўдзел у экстрэмісцкім фармаванні), піша «Вясна».
Палітзняволенага Андрэя Прымаку затрымалі 12 студзеня. На другі дзень суд Маскоўскага раёна Мінска прысудзіў яму 10 сутак адміністрацыйнага арышту. Пасля «сутак» на волю ён ужо не выйшаў, утрымліваўся ў СІЗА №1 Мінска.
Па ягонай справе вядома, што Прымака нібыта быў зарэгістраваны ў плане «Перамога».
Суд прызнаў Андрэя вінаватым і пакараў пазбаўленнем волі тэрмінам на чатыры гады ў калоніі ва ўмовах агульнага рэжыму. 29 чэрвеня палітвязня этапавалі для адбыцця пакарання ў Магілёў.
Справу разглядаў суддзя Яўген Пісарэвіч.
Каментары