Мурмурацыя. Ля Гродна тысячы птушак зноў зладзілі незвычайны танец ВІДЭА
Незвычайную з'яву здолеў зняць чытач Newgrodno.by пад Гроднам. Над вёскай Вялікая Жорнаўка велізарная колькасць птушак зладзіла ў палёце незвычайны танец. Тысячы птушак, рухаючыся сінхронна і скаардынавана, стваралі ў небе самыя неверагодныя геаметрычныя фігуры, то збіваючыся ў шчыльнае воблака, то на імгненне разлятаючыся ў розныя бакі. Прычым рабілі яны гэта на велізарнай хуткасці.
Здаецца, што сочыш за камп'ютарнай графікай, але не, усё гэта адбываецца насамрэч.
Дарэчы, навукоўцы нават далі назву такой з'яве. Гэта мурмурацыя. Часцей за ўсё такія танцы выконваюць велізарныя чароды шпакоў, крумкачоў або галак. У палёце яны разганяюцца да 40 км/г, аднак не сутыкаюцца, бо кожная птушка выразна кантралюе ўсё, што адбываецца вакол яе.
Для чаго птушкам мурмурацыя? Выразнага адказу няма дагэтуль. Зрэшты, навукоўцы лічаць, што такім чынам птушкі спрабуюць атрымаць максімум інфармацыі аб сваім асяроддзі. Таксама ёсць версіі, што такім чынам дасведчаныя вучаць маладых лятаць. Яшчэ адна здагадка звязаная з тым, што чароды такімі рухамі спрабуюць сябе засцерагчы.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары