1 снежня ў Мінску прайшла прэс‑канферэнцыя галоўнага трэнера партугальскага футбольнага клуба «Бенфіка» Жоржэ Жэзуша напярэдадні матчу групавога этапа Лігі Еўропы супраць беларускага БАТЭ.
«Мы мяркуем, што павінны перамагчы», — заявіў настаўнік гасцей. «Трэба забіваць, — падкрэсліў ён, — таму што перамога дазваляе нам выйсці ў наступны раунд. Іншая рэч, што забіваць увесь час немагчыма, на працягу некалькіх матчаў нам гэта не ўдавалася».
Бразільскі паўабаронца «Бенфікі» Рамірэс прызнаўся, што ў Мінску яму холадна. «Але трэба браць пад увагу, што мы знаходзімся ў паўночнай краіне, — сказаў ён. — Не думаю, што надвор’е будзе нейкай перашкодай для нашай каманды. Апошнія матчы зборная Бразіліі гуляла пры халодным надвор’і, і я прызвычаіўся да гэтай тэмпературы, так што, думаю, праблем не будзе».
«Заўтра вельмі важны дзень, — зазначыў Жэзуш. — Усе мы павінны сканцэнтравацца для таго, каб атрымаць тры пункты. Лічу, што БАТЭ — вельмі высокакваліфікаваная, зладжаная каманда, матч з якой будзе для нас цяжкім».
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары