Памёр каханы чалавек Сандры Булак. Ён доўгі час змагаўся з цяжкай хваробай
Амерыканская актрыса Сандра Булак аплаквае цяжкую страту. Браян Рэндал, даўні партнёр актрысы, памёр у суботу пасля змагання з БАС, піша Etonline.
«З глыбокім смуткам мы паведамляем, што 5 жніўня Браян Рэндал мірна памёр пасля трохгадовай барацьбы з бакавым аміятрафічным склерозам, — паведаміла ET яго сям'я.
«Браян рана вырашыў захаваць у таямніцы сваё падарожжа з БАС, і тыя з нас, хто клапаціўся пра яго, зрабілі ўсё магчымае, каб выканаць яго просьбу».
«Мы бязмерна ўдзячныя нястомным дактарам, якія разам з намі спраўляліся з гэтай хваробай, і медсёстрам, якія сталі нашымі суседзямі па пакоі, часта ахвяруючы сваімі сем'ямі, каб быць з намі», — дадала яго сям'я.
Бакавы аміятрафічны склероз (БАС) — гэта хвароба нервовай сістэмы, калі адміраюць маторныя нейроны, у выніку чаго атрафіруюцца мышцы. Такую хваробу меў пісьменнік і фізік Стывен Хокінг.
Сандра Булак — вядомая амерыканская актрыса («Хуткасць», «Дом ля возера», «Міс Кангеніяльнасць»). За фільм «Нябачны бок» у 2010 годзе яна атрымала «Оскара».
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак13
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары