Учора ўвечары ахоўнік аднаго з гомельскіх буйных гандлёвых цэнтраў злавіў на вуліцы міліцэйскі нарад, які праязджаў міма, і паведаміў, што проста ў ГЦ нейкі мужчына толькі што ўдарыў хлопца нажом.
Экіпаж нарада аховы адправіўся за падазраваным, які спрабаваў пакінуць месца злачынства. У выніку быў затрыманы 51-гадовы гамяльчук, які ў момант учынення злачынства быў нецвярозы. Раней мужчына быў судзімы за хуліганства.
Апраўдваючы свае дзеянні, падазраваны сказаў, што хлопец нібыта пакрыўдзіў ягоную дачку, таму яе трэба было абараніць.
Пацярпелы ў выніку выжыў. Ён пакуль знаходзіцца ў бальніцы, але ягонаму жыццю, па словах медыкаў, нічога не пагражае.
Каментары
МУС для большасці беларусаў цяпер стала ў адзін шэраг НКВД, Гестапа, СС ды іншымі карнымі сструктурамі. Колькі не расказвайце нам пра тое, як яны сапраўдных злачынцаў спадарожна з палітычным пераследам затрымалі.