У новым навучальным годзе школы і гімназіі прыкладуць намаганні «для большай занятасці навучэнцаў у мерапрыемствах шостага школьнага дня», піша БелТА са спасылкай на начальніка ўпраўлення выхаваўчай і ідэалагічнай работы Нацыянальнага інстытута адукацыі Мінадукацыі Наталлю Катовіч.
«Перад установамі адукацыі ў новым навучальным годзе пастаўлена задача прыняць дзейсныя меры па забеспячэнні стопрацэнтнай занятасці вучняў у шосты школьны дзень, у канікулярны перыяд з прыцягненнем рэсурсаў устаноў дадатковай адукацыі дзяцей і моладзі, устаноў культуры, спорту, з выкарыстаннем патэнцыялу ваенна-патрыятычных клубаў, магчымасцяў дзіцячых і моладзевых грамадскіх арганізацый», — сказала Катовіч.
Паводле яе слоў, акцэнтам шостага школьнага дня застаецца фізкультурна-аздараўленчая, спартыўна-масавая работа. З'явіўся і новы напрамак — выхаванне псіхалагічнай культуры навучэнцаў.
Цяпер чытаюць
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею5
Каментары