За каментары ў інтэрнэце мужчыну адправілі ў псіхіятрычную лякарню «Гайцюнішкі»
У Мінскім гарадскім судзе паводле трох артыкулаў Крымінальнага кодэкса судзілі 54-гадовага мінчука Ігара Папова. За каментары ў інтэрнэце на закрытым судовым працэсе мужчыну прызначылі бестэрміновае прымусовае лячэнне са строгім наглядам, піша «Вясна».
Рашэнне суддзя Валянціна Зянкевіч вынесла яшчэ 12 мая, але падрабязнасці справы праваабаронцам сталі вядомыя толькі цяпер.
Ігара ўжо накіравалі ў псіхіятрычную бальніцу «Гайцюнішкі» Воранаўскага раёна.
Рэспубліканская псіхіятрычная бальніца «Гайцюнішкі» выконвае пастановы судоў Рэспублікі Беларусь аб прымусовым лячэнні асоб, якія ўчынілі небяспечныя дзеянні і прадстаўляюць па сваім псіхічным стане і характары зробленага асаблівую небяспеку для грамадства, якія маюць патрэбу ў бальнічным утрыманні і лячэнні ва ўмовах строгага назірання.
Паводле інфармацыі на афіцыйным сайце «Гайцюнішкі» ў бальніцы тры аддзяленні, дзе ўтрымліваецца 280 чалавек.
«Гэта быццам маленькая турма, акружаная высокім плотам. Усюды — відэакамеры, трывожныя кнопкі, падвойныя краты на вокнах. А ноччу паміж корпусам і агароджай разгульваюць вартавыя сабакі… Гэта вартавое аддзяленне, у ім ізаляваныя шызафрэнікі, псіхапаты і эпілептыкі, якія, калі б не было ў іх псіхзахворванняў, напэўна атрымалі б максімальныя тэрміны пазбаўлення волі.
Па перыметры збудаванне ахоўваюць міліцыянты, у аддзяленне ім дазволена заходзіць толькі ў крайнім выпадку. Такая пазіцыя кіраўніка ўстановы: гэта ўсё ж не турма», — так апісвала гэтую ўстанову газета «Советская Белоруссия» ў 2014 годзе.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары
гэта можа быць горш, чым турма