Выпусцілі ўладальніка «Тэрматэхбуда» Яўгена Жукоўскага — Люстэрка
Уладальніка кампаніі «Тэрматэхбуд» Яўгена Жукоўскага вызвалілі з СІЗА №1. Гэта адбылося некалькі тыдняў таму, паведаміла «Люстэрка» са спасылкай на сваю крыніцу ў будаўнічай галіне.
Яўген Жукоўскі. Фота з сацсетак
«Сказалі, што больш прэтэнзій да яго няма. Падазраю, што ён аддаў шмат грошай ці нейкія іншыя рэсурсы», — расказала крыніца.
У офісе кампаніі журналістцы выдання сказалі, што Жукоўскі там «рэдка з'яўляецца», і прапанавалі пакінуць свой тэлефон для сувязі.
Пра затрыманне Жукоўскага ў траўні гэтага года паведамлялі на дзяржаўным тэлебачанні. Прапагандыст Рыгор Азаронак назваў бізнэсоўца «буржуем» і «змагаром» і заявіў, што той нібыта браў удзел у пратэстах.
Цяпер чытаюць
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць5
Каментары