Вялікія тэрміны атрымалі былыя топ-следчыя, якія трапіліся на хабарах
Палкоўнік Следчага камітэта Дзмітрый Паўлоўскі, які «курыраваў» падатковыя справы ў краіне, па інфармацыі «Нашай Нівы», атрымаў 13 гадоў пазбаўлення волі, а былы начальнік упраўлення цэнтральнага апарату Следчага камітэта Аляксандр Ваўчкоў, якога судзілі разам з ім, — 8 гадоў.
Пра іх затрыманне «Наша Ніва» паведамляла летась.
Аляксандр Ваўчкоў — адвакат, былы высокапастаўлены следчы, які аддаў службе 20 гадоў і ў свой час быў намеснікам начальніка галоўнага ўпраўлення працэсуальнага кантролю папярэдняга расследавання ў МУС, а пасля аддзялення СК ад МУС і да 2013-га — начальнікам аднаго з упраўленняў цэнтральнага апарату Следчага камітэта.
Ваўчкова затрымалі пры спробе даць хабар для вырашэння свайго пытання аднаму з афіцэраў міліцыі.
Паводле далейшай інфармацыі ад крыніц, у няволі Ваўчкоў даў паказанні на Дзмітрыя Паўлоўскага — следчага цэнтральнага апарату СК, які вядомы тым, што вёў многія «падатковыя» справы супраць беларускіх бізнэсменаў.
Таго таксама затрымалі.
Праз год, як стала вядома «Нашай Ніве», абодва атрымалі вялікія тэрміны. Знаёмыя з сітуацыяй кажуць, што Ваўчкову далі 8 гадоў, а Паўлоўскаму — 13.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары